اوستورا مسجد ده گر وارلی آدام

سؤیله یرلر خالق :« رحمتلر سنه »!

اؤسکوره اوردا اگر یوخسول آدام

هی دئیرلر :« آی لعنتلر سنه »!

آی پول ! الله دئیل سن پس نه سن ؟

باش ایَر دونیادا میلتلر سنه

گلیر شمرین باباسی بیر طرف دَن

حوسینین مبتلاسی بیر طرف دن

قارا کوینَک گئییب «حاجی سلیمان»

توکور قان- یاش آتاسی بیر طرف دَن

یاخیب ماتیک گؤتو بشکه« فرشته»

اولوب جیران بالاسی بیر طرف دَن

سئویر«تهمینه» نی الیاسین اوغلو

دئیر رستم:"قاداسی" بیر طرف دن

«سکینه دایقیزی» چای پایلاماغدا

باغیشلاندی خطاسی بیر طرف دن

الی اگری رئیسین باغری قان دیر

باشا گلمیر اداسی بیر طرف دن

اورکدن آغلاییر دوزگون،گول اوغلان

دَله،شهرت گداسی بیر طرف دن

یئره بیر عالمه لیوان توکوبلر

باتیق شهرین فضاسی بیر طرف دن

قیز-اوغلاندا حیا یوخدور گئدیبدیر

ار-آروادین حیاسی بیر طرف دن

ائدیب غیبت «پری»هیئت ده مین یول

اولوب تامین غذاسی بیر طرف دن

گؤیَه قالخیب جیریق طبلین صداسی

دول آروادین دعاسی بیر طرف دن

محرّم دیر منی آغلاتدی آجلیق

حوسینین ماجراسی بیر طرف دن

گل سؤز ائشیت اولما کَر

یونجالیغدان یونجا دَر

ایسته دیین بهیشت سَه

گؤزوآج شیخی بَئجَر

gəl söz eşit olma kər

yoncaliqdan yinca dər

istədigin behiştsə

gözüac şixi bəcər

توکلری لاپ آغاردی!

شاد گؤنلری قوتاردی!

ائولندی«حاجی حسن»

قورد قوزونو آپاردی!!

ائو- ائشیک ، دام یاندیرار

ائدیب حرام یاندیرار

کیتاب یاندیران آدام

بیر گون آدام یاندیرار

قاپی لاری آچ بیراز

بوردان بوراخ قاچ بیراز

آی اؤزگورلوک ایشیغی

توتساقلارا ساچ بیراز

qapıları aç biraz

burdan burax qaç biraz

ay özgürluk işığı 

tutsaqlara saç biraz

ال " دست " و آیاق " پا " و "ساققال " ریش است

" یاز " فصل بهار است و زمستان " قیش" است

شیخین ایشی " ایچمَک و یئمَک،کئیف ائله مَک

در صحنه دَه میللتین ایشی " قارغیش " است 

‏آغ بورانی، گلابی اولماز هرگیز

نوقصانلی آدام،حسابی اولماز هرگیز

مندَن ائشیت و قولاغینا سیرغا ائله

اوجوز اوزومون شرابی اولماز هرگیز

ağ boranı,gülabi olmaz hərgiz

nöqsanlı adam,hesabi olmaz hərgiz

məndən eşit o qulağına sırğa elə

ucuz üzümün şərabı olmaz hərgiz

کلاه "بورک"دور ،پاپاق دیر

باش"سَر" ، بچّه " اوشاق " دیر

قانون چولوق ، اؤزگؤرلوک

مین ایل بیزدَن اوزاق دیر

Kolah "börk"dür, "papaq"dır

Baş "sər", bəççə  "uşaq"dır

Qanunçuluq, özgürlük

Min il bizdən uzaqdır

یارمنه باخدی گئتدی !
گؤز یاشیم آخدی گئتدی !
ساغ گؤزومه کوچه ده
بارماغین تاخدی گئتدی