موم اولدوم،خمیر کیمین
اییلدیم دمیر کیمین
سن سیز گؤزلریم اولوب
قوروموش کویر کیمین

لک لکی لک لک دوغار

اینکی اینک دوغار

کیشی ائششک اولاندا

آروادی ائششک دوغار

غم، کدَردَن دولموشوق

یارپاق کیمین سولموشوق

بیر شی باهالاشماییب

بیزلر اوجوز اولموشوق

qəm, kədərdən dolmuşuq

yarpaq kimin solmuşuq

bir şey bahalaşmayıb

bizlər ucuz olmuşuq

من دئییرم لطف ائله تحریر ائله

یاز بو یالان سؤزلری تکثیر ائله

کافر اول آمما دی:مسلمان منم
دؤز آدامی،مؤمنی تکفیر ائله !

میللته سؤز وئر،دی یالان سؤزلری
هر آدامین بئینینی تسخیر ائله !

مخلص آدام تاپ آدام اؤلدورماغا
باشینا یاخ شیره اونو شیرائله !

رای آلان واختی گؤزل وعده وئر
یئککه دانیش،شوغیله تغییر ائله !

میللته بیچاره موتور یاندیریب!
سال کلیدین ملتی تعمیر ائله !

پست و مقامی اوره یین ایسته دی
فیکرائلمه هابئله تزویر ائله

‏من ائششگی شیشیلک و کباب ائیله‌دیم، اولدو

سیخدیم اوزومو،شیره،شراب ائیله‌دیم، اولدو

صیغه ائله دی بیر گؤزل آروادی منیم اوچون

سردفتری غرق میِ ناب ائیله‌دیم، اولدو

هی سؤیله‌دیلر کی دئمه هر ناکسه اینسان

اوغرو آداما "آغا"خطاب ائیله‌دیم، اولدو

چون چاتدی ریاست منه لاپ ایشلره سیچدیم

اینسانیت،اخلاقا پئشاب ائیله‌دیم، اولدو

بیر اوغرو قادین سویله‌دی:« قاچدیم وطنیمدَن

آیری یئره و ترک حجاب ائیله‌دیم، اولدو

چونکی الیمه موفته‌،اوغورلوق پولو گلدی

ایچدیم اوزومو مَست و خراب ائیله‌دیم، اولدو

واعظ دئییلم آمما دول آروادلاری گونده

هی عقد ائله‌دیم،صیغه،ثواب ائیله‌دیم، اولدو

چوخ یاوه دئدیم،شاعیر اولوب،شؤهرته چاتدیم

اشعاریمی دیوان و کیتاب ائیله‌دیم، اولدو

اگرچه دوز دئییل و فکر من اساسی نیست

رسیده ام به خدایی که اقتباسی نیست

بیر آز لطف ائله و غربی لر کیمین بیزه وئر

شریعتی که در آن حُکم ها قیاسی نیست

او دونیادا سنی هجران اودوندا یاندیرماز

خدا کسی که از آن سخت می هراسی نیست

خدا بویوک دور و بخشنده دور،حضورینده

خطا نکردن ما غیر ناسپاسی نیست

اوزون تانیدون تانرینی تانی آ کیشی

که خود شناسی ما جز خدا شناسی نیست

اوغورلوق و چاپاچاپ یوخ،یالان دئمَک یوخدور

هوای مملکت عاشقان سیاسی نیست

‏بیر گون قارانلیق بیتَر

ایشیق ساچار هر سحَر

عشقین تانریسی وئرَر

بیزه یئنی سئوگی‌لر

bir gün qaranlıq bitər

işıq saçar hər səhər

eşqin tanrısı verər

bizə yeni sevgilər

حالیم بتر خراب دیر

اوره ک،غمدن کباب دیر

سَن بیلمیر سَن،بیلیرم

بیلمَک بؤیوک عذاب دیر