آجلیق چوخ ایدی،ظلم و ستم،غم واریدی
آدم چوخ ایدی،گوْزل آدام کم وارایدی
سیزدن خبریم یوخ دی،بیزیم دونیادا
مین یاندیریجی،یامان جهنّم وارایدی

سن فیکر ائلمه داغین ایچینده یاشادیم
جنّت ده،بولاغ-باغین ایچینده یاشادیم
بیر عمر عذاب چکدیم و جان وئردیم
بیر عدّه قورومساغین ایچینده یاشادیم

درک ائیله،اوتان،گئتمه،بوراخما بیزی سن
بیر لحظه،بیر آن،گئتمه،بوراخما بیزی سن
سن سیز بو حایات نه دیر؟ :جهنم چیچگی
ای عشق دایان،گئتمه،بوراخما بیزی سن

ای بادا گئدیب جلالی صبر ائت صبر ائت
داغ- داش،مئشه نین مارالی صبر  ائت،صبر ائت
مرهم اولاجاق دردلرینه اؤزگورلوک
ای قلبی درین یارالی صبر ائت،صبر ائت

سندن سورا یوخ اولدوز،ایشیق قلبیمده
قار،قیش دی،قارانلیق دی قیریق قلبیمده
سن سیز چوخ آغیر دی،زندگانلیق آجی دیر
اود توتموش و قارماقاریشیق قلبیمده

بیر سؤز دئمه،چوخ دَرین دی،یوزمین سؤز دور
هر کیم بویوروب،گؤزل دی،شیرین سؤز دور
پیس سؤز ائشیدنده،من اؤلوم غصّه یئمَه
آلچاق آدامین سیلاحی چیرکین سؤز دور

بیر سؤز دئمه،چوخ دَرین دی،یوزمین سؤز دور
هر کیم بویوروب،گؤزل دی،شیرین سؤز دور
پیس سؤز ائشیدنده،من اؤلوم غصّه یئمَه
آلچاق آدامین سیلاحی چیرکین سؤز دور

اوغلان،کیشی،آروادی،قیزی سیندیرماز
باشی، اوره یی، قیچی،دیزی سیندیرماز
  دشمنلره دی ثابت اولوب دور دردی
بیز سیندیراریق،درد بیزی سیندماز

کوت ائششگی تحصیل دمکرات ائله مَز
هم ائششک آدام ترک خرافات ائله مَز
مدح ائیله مَه ائششگلیغی چون هئچ ائششک
 ائششگلیینه فخر و مباهات ائله مز

گئت لذّت آپار باهاردا داغدان ،باغدان
ویسکی و  شراب ایچ قدَح، بارداغدان
ای ائششک آدام ! قیزیل دئیل سن، کی سنی
تورپاغا سوخوب چیخاردالار تورپاغدان

get ləzzet apar baharda dağdan,bağdan
Viski və şarabı iç qədəh,bardağdan
ey eşşək adam qizil dəeylsən,ki səni
torpağa sorub,çıkardalar torpağdan