ظولمت دی، قارانلیق دی، سحر،صبح اولماز
صوبحین باشینی غصّه کَسَر،صبح اولماز
بوز باغلایاجاق گؤزوم، حیاتیم،گونشیم
حسرت دولو سن سیز گئجه لر صبح اولماز

سن سیز چای شیرین اولماز
هئچ بیر شی درین اولماز
قیش دیر آمما قوجاغیم
سن اولسان سرین اولماز
Sən siz çay şirin olmaz
Heç bir şey dərin olmaz
Qiş dir amaa qucağim
Sən olsan sərin olmaz

معنالی، درین اولماز
یاییندا، بیچین اولماز
درد چکمه ین شاعرین
سؤزلری شیرین اولماز

حوزونلو اولما دئدی
آغلا،یورولما دئدی
یار منی بوداغیمدان
قوپاردی،سولما دئدی
Hüzünlü olma dedi
Ağla yorulma dedi
Yar məni budaqımdan
Qobardi,solma dedi

دوست، دشمنی اؤلدورر
باش بیلنی اؤلدورر
وارلیغین آغیرلیغی
بیر گؤن منی اؤلدورر
Dost, düşməni öldürər
Baş biləni öldüər
Varlığın ağırlığı
Bir gün məni öldürər

قویما غم بیزی چالسین
سئودا گؤلو سارالسین
قاییت گل قوجاغیما
قوی دونیا گؤزل قالسین
Qoyma qəm bizi çalsin
Sevda gülü saralsin
Qayet gel qucağima
Qoy dünya gözəl qalsin

بو سؤزوم لاپ  درین دیر گؤزلیم
آنلامی درک اولماز
دؤز آدامین سؤموگو برک اولماز

bu Sözüm lap dərin dir gözəlim
Anlami dərk olmaz
Düz adamin sümüyü bərk olmaz

بیلمه سم ده کیمین دیر
بو سؤز گؤزل، متین دیر
عاشیق اولماق لاپ آسان
عاشیق قالماق چتین دیر

بیر توخ آدام، آجی گؤرسون
درد چکمز، غم-غصّه یئمز
آج آدامی درک ائله مز
اوتانماز، اؤلمَز، اریمز

اوروج توتوب، ناماز قیلار
بوینو ائششک بوینو کیمین
میللتی لاپ دین سیز بیلر
اؤزونو، مؤمن،  اهل دین

مسجدلره هئچ کیم گئدمیر
بوشالیب دای هئچ واخت دولماز
قدیم کیلر دؤز دئیب لر
آج قاریندا ایمان اولماز

به غیر حسرت آپارماز بشر بودونیادان
قوتور کئچی کئچر و شیر نر بو دونیادان

غرورو ترک ائله، دایم مَنم مّنم ائله مَه
سّنی ده توپراق ائدَر، الحذر بو دونیادان

دّرین دَنیزدیر آدام اوغلونو بَتَر بوغاجاق
نجات تاپمایاجاق بیر نفر بو دونیادان

وئریر میللته دائم خبر او دونیادان
اگرچه شیخ ده یوخدور خبر بو دونیادان

فلاسفه بویوروبلار، منیم سؤزوم ده بودور
بیرآز لذّت آپار مختصر بو دونیادان

اگرچه درس اوخویوب، لاپ سفیه دی نوع بشر
قودوق گلیبدیر و ائششک گئدر بو دونیادان