یار اؤله ر، یاری قالار
گنج اؤله ر، قاری قالار
بورا دونیادیر، بوردا
بوتون ایش یاری قالار
Yar ölər, yarı qalar
Gənc ölər, qarı qalar
Bura dünyadir, burda
Bütün iş yari qalar

گولوشلرین سیجاق دیر
دوداقلارین آراق دیر
من خسته یم،علاجیم
بیر اؤپوش،بیر قوجاق دیر
Gülüşlərin sıcaqdir
Dodaqlarin araqdir
Mən xəstəyəm, əlacim
Bir öpüş, bir qucaqdir

ایراندا یول-یولاق قدیم دن بوجور ایمیش
هئچ کیم باج آلماییب دی الی اگری، یاغی دان
بیر عدّه بیج و اوغرو گئدیبلر یوخاریا
بیر عدّه خایماللیق ائدیبلر آشاغی دان

دئمیرم دؤیوش گئتیر
قاش-قاباق، سؤیوش گئتیر
ممه لرین داغیندان
بیر چانتا اؤپوش گئتیر

سنی سارماق ایستیرم
اینجه، قولچاق ایستیرم
تنین تانیماق ایچین
یوزمین بارماق ایستیرم

اسب «آت» است و خواب« یاتماق» است
سیب «آلما»، فروش «ساتماق» است

دئدین «ائولنمگی» منه بیلیدیر
پوخا تا خیرتلاق باتماق است

دیکتاتورلارین ایش-گؤجو،یئریشی
وورماق،اؤلدورمک و اوزاتماق است

کؤپک اوغلو«پدرسگ» و «متلک»
قیزلارا پیس دئیب، سؤز آتماق است

ایت«سگ»،جاکشی«قورومساقلیق»
بُعد«اوزاقلیق»،وصال«چاتماق» است

ایشیمیز: اورتانی قاریشدیرماق
سویو در سطل شیر «قاتماق» است

آجی لار شیرین اولار
داشلیق یئر،اکین اولار
ائششک، آت-چیرکین، گوزل
تانری ایسته سین اولار

بُز بیزیم دیلده «کئچی»دیر،«تکه»دیر، «اوغلاق» است
کفش« باشماق» و زبان«دیل» و ناخن «دیرناق» است

آدم جاهل و خر« اششک آدام»،« لاپ باشی بوش»
اونا احمق دئمه سن چونکو دوزو «آخماق» است

بیر قبیر داشینین اؤستونده یازیلمیشدی بو سؤز
آخرین منزل هر «آج گؤز آدام»« تورپاق» است

هست اون درصد ایرانلی جماعت وارلی
مابقی چاره سیز و آج و سوسوز، چیلپاق است

باجیسی قحبه آدام چاتسا مقاما هر گؤن
میللته هر نه حواله وئره جاق «داششاق» است

زندگانلیق کی یاپیشمیر بیزه، اؤز گؤسترمیر
قوجا آرواد قوجاغى تک، سویوق و بوزلاق است

ای دموکراسی سنی گؤزله ییریک، چوخداندیر
یولدا قالمیش گؤزوموز لاپ کؤر اولوب،«ایسلاق» است

ای غم و غصه بیزی ترک ائله، گم شو، سیکتیر
گئت اونون یانینا کی بوش بئیین و قورخاق است

هر قدَر گؤجلو، چوخ اوغلان اولا اینسان اوغلو
اؤلومین آدی گلینجه ایشی اوستورماق است

سس سیز دیر داد ائیله مز
آه و فریاد ائیله مز
آجی چکن آدامی
هئچ بیر شی شاد ائیله مز

ظولمت دی، قارانلیق دی، سحر،صبح اولماز
صوبحین باشینی غصّه کَسَر،صبح اولماز
بوز باغلایاجاق گؤزوم، حیاتیم،گونشیم
حسرت دولو سن سیز گئجه لر صبح اولماز