یار اؤله ر، یاری قالار
گنج اؤله ر، قاری قالار
بورا دونیادیر، بوردا
بوتون ایش یاری قالار
Yar ölər, yarı qalar
Gənc ölər, qarı qalar
Bura dünyadir, burda
Bütün iş yari qalar

دئمیرم دؤیوش گئتیر
قاش-قاباق، سؤیوش گئتیر
ممه لرین داغیندان
بیر چانتا اؤپوش گئتیر

سنی سارماق ایستیرم
اینجه، قولچاق ایستیرم
تنین تانیماق ایچین
یوزمین بارماق ایستیرم

آجی لار شیرین اولار
داشلیق یئر،اکین اولار
ائششک، آت-چیرکین، گوزل
تانری ایسته سین اولار

پول وئرمیر، موفته ایستیر
چک وئرمیر، سفته ایستیر
آرواد دئییردی: اریم
ات آلمیر کوفته ایستیر

دوست، دشمنی اؤلدورر
باش بیلنی اؤلدورر
وارلیغین آغیرلیغی
بیر گؤن منی اؤلدورر
Dost, düşməni öldürər
Baş biləni öldüər
Varlığın ağırlığı
Bir gün məni öldürər

بیلمه سم ده کیمین دیر
بو سؤز گؤزل، متین دیر
عاشیق اولماق لاپ آسان
عاشیق قالماق چتین دیر

آزاد یا اسیر اولسان
یوخسول یا امیر اولسان
اؤلوم سنی سیندیرار
داش اولسان، دمیر اولسان
Azad ya əsir olsan
Yoxsul ya əmir olsan

Ölüm səni sindirar
Daş olsan, dəmir olsan

گؤسترمز علاجی نی
کسمز دار آغاجی نی
هئچ کیم درک ائده بیلمز
ایچیمده کی آجی نی
gösterməz əlacını
kəsməz darağacını
heçkim dərkedə bilməz
içimdəki acicını

عشق دن گؤزل پاییم وار
جننت ده ساراییم وار
ائل-عالمین بیر آیی
منیم ایکی آییم وار
Eşqdən gözəl payım var
cənnətdə sarayım var
el-aləmin bir ayı