یالان دیر سؤزلری،سَم دیر،ضرر دیر
چالیشماق،هر زادی،عؤمرو هدر دیر
یاخینلاشما اونا،یولداشلیق ائتمه
عاغیل سیز دوست دشمن دَن بتر دیر
Yalandır sözləri, səmdir, zərərdir
Çalışmaq, hər zadı, ömrü hədərdir
Yaxınlaşma ona, yoldaşlıq etmə
Ağılsız dost düşməndən bətərdir

بو دونیا جنّتِ نادان اولوبدور

اوره یی قان گوزل اینسان اولوبدور

دئدین : دونیا نه دیر ؟ بیر سینمادا

مزخرف فیلم دیر،اکران اولوبودور !!

کنیزی ،فرشی ،فراشی آپاردی!

آغاجی،توپراغی،داشی آپاردی!

قوناق اولدوبیزه،بیر اوغرو مومن

گئدنده بشقابی،آشی آپاردی!

تو رأی از ارکک و دیشی گرفتی

وَ کُشتی با یکی کیشی گرفتی

ووروب مین حوقّا " بایدن " آغ سارایی

سونوندا از ساری پیشی گرفتی

قودوق،ائششک سورَن، قانماز،چاپارسان

بهشتی دونیادا نقدا تاپارسان 

بیتَر دردین داها قلبین سیخیلماز

توهّم دَن ایَر لذّت آپارسان

کئچر بیزدان سورا ایت باغیمیزدان

دئمَز کیمسَه ناغیل،غم، داغیمیزدان

گل ایچگی ایچ  اولندَن سونرا دایم

ورار کرپیج اجل تورپاغیمیزدان

کیشی قهر ائیله ییب،آرواد دانیشمیر

حایاتین چرخی فیرلانمیر،چالیشمیر

باسیب خالقی اومید سیزلیق،قارانلیق

اوپوش،سئوگی،قوجاق،هیشزاد یاپیشمیر

دئدیم حاجی غلاما قار یاغاندا

یئی هئیوا،نار،شاماما قار یاغاندا

ائشیک قارلی،دومانلی،لاپ سویوق دور

قال ائوده،گئت حاماما قار یاغاندا

رقیب زشت ایله هم صحبت اولما

اونون ویرانه سینده رویت اولما

یاشیم هرچند آتمیش بش اولوبدور

سنی من ایستیرم،ناراحت اولما !

دوداغلاری دولوب قند ونباتدان
گؤزل اندامی معنای حیاتدان
دوداغیندان دئدیم کی:«بیراؤپوش وئر»
دئدی:«هرگزکام آلمازائششک آتدان»!!