یالان دیر سؤزلری،سَم دیر،ضرر دیر
چالیشماق،هر زادی،عؤمرو هدر دیر
یاخینلاشما اونا،یولداشلیق ائتمه
عاغیل سیز دوست دشمن دَن بتر دیر
Yalandır sözləri, səmdir, zərərdir
Çalışmaq, hər zadı, ömrü hədərdir
Yaxınlaşma ona, yoldaşlıq etmə
Ağılsız dost düşməndən bətərdir

بو دونیا جنّتِ نادان اولوبدور

اوره یی قان گوزل اینسان اولوبدور

دئدین : دونیا نه دیر ؟ بیر سینمادا

مزخرف فیلم دیر،اکران اولوبودور !!

کنیزی ،فرشی ،فراشی آپاردی!

آغاجی،توپراغی،داشی آپاردی!

قوناق اولدوبیزه،بیر اوغرو مومن

گئدنده بشقابی،آشی آپاردی!

هلو صادر اولور قزوین،کرج دَن!

اوغورلوب وارلی اینسان کور،فلج دَن!

اوجاسسله دئییردی یونجالیغدا:

«سکینه دویمادی حاجی فرج دَن»!

اوغورلوقدان دَلَه اوغرو یورولماز
هئچ اوغرونون جیبی،قورساغی دولماز
گیلئی‌لیک ائیله‌دیم چون اوغرولاردان
دئدی قاضی:مئشَه چاققال‌سیز اولماز
oğurluqdan dələ oğru yorulmaz
heç oğrunun cibi,qursağı dolmaz
gileylik eylədim çün oğrulardan
dedi qazi :" meşə çaqqalsız olmaz

قاریشدی آسیای غرب واورتا!

باهالاشدی تویوق،چای، ات،یومورتا!

ائدیبدیرسکته ایراندا اوجوزلوق!

یازیق میللت دوشوبدور زارت وزورتا!

تو رأی از ارکک و دیشی گرفتی

وَ کُشتی با یکی کیشی گرفتی

ووروب مین حوقّا " بایدن " آغ سارایی

سونوندا از ساری پیشی گرفتی

قودوق،ائششک سورَن، قانماز،چاپارسان

بهشتی دونیادا نقدا تاپارسان 

بیتَر دردین داها قلبین سیخیلماز

توهّم دَن ایَر لذّت آپارسان

کئچر بیزدان سورا ایت باغیمیزدان

دئمَز کیمسَه ناغیل،غم، داغیمیزدان

گل ایچگی ایچ  اولندَن سونرا دایم

ورار کرپیج اجل تورپاغیمیزدان

غَم دَن، غصّه دَن دولو دور اوره ک

شنلیک بیر قاشیق، غصّه مین کوره ک

میللت پیس گونه دوشوب، داغیلیب

نوخوشا داوا یوخ،ساغلارا چؤرَه ک