دوشونجه : فکیر دیر،انگشت :بارماق

علف اوت دیر، توانستن: باشارماق

نه یاخشی دیر فیکیرسیز زندگالیق

قودوق ائششک کیمین لذّت آپارماق

علسگر آی علسگر آی علسگر !

اویان باخ گؤر اولوبدور دونیا محشر

گئدیر دکتر یانینا ماده «منظر»

چیخیر ایککی ساعات اوندان سورا نر!!

کیشی قهر ائیله ییب،آرواد دانیشمیر

حایاتین چرخی فیرلانمیر،چالیشمیر

باسیب خالقی اومید سیزلیق،قارانلیق

اوپوش،سئوگی،قوجاق،هیشزاد یاپیشمیر

محّبت،سئوگى،انسانلیق یاساق دیر
عدالت بوردا بیر سؤنموش اوجاق دیر
چاتا بیلمز اَلیم ایستک لریمه
چوْلاق دیر ائششه ییم،منزل اوزاق دیر

دئدیم حاجی غلاما قار یاغاندا

یئی هئیوا،نار،شاماما قار یاغاندا

ائشیک قارلی،دومانلی،لاپ سویوق دور

قال ائوده،گئت حاماما قار یاغاندا

رقیب زشت ایله هم صحبت اولما

اونون ویرانه سینده رویت اولما

یاشیم هرچند آتمیش بش اولوبدور

سنی من ایستیرم،ناراحت اولما !

دوداغلاری دولوب قند ونباتدان
گؤزل اندامی معنای حیاتدان
دوداغیندان دئدیم کی:«بیراؤپوش وئر»
دئدی:«هرگزکام آلمازائششک آتدان»!!