نه گؤزده،نه قاشدا دیر
نه داغدا،نه داشدا دیر
بؤیوکلوک یاشلا دئییل
عقلی اولان باشدا دیر
nə gözdə, nə qaşda dir
nə dağda,nə daşda dir
böyüklük yaşla deyil
əqli olan başda dir

یاریم وطنه دؤندو
روحوم بدنه دؤندو
 داشدان دا برک اوره ییم 
چاییر چمنه دؤندو
yarim vətənə döndü
ruhum bədənə döndü
daşdan da bərk ürəyim
çayır çəmənə döndü

جنّت اورادیر که آه و ماتم یوخدور
ساقیّ و شراب چوخدور و غم یوخدور
باور ائلمَه پوچ و یالان وعده لری
بوردان سورا هئچ یئرده جهنّم یوخدور

cənnət oradır ki ah o matəm yoxdur
saqi o şərab çoxdur o qəm yoxdur 
bavər eləmə puç o yalan vədələri
burdan sora heç yerdə cəhənnəm yoxdur

نه دین،نه ایمان ایستیر
نه پول،نه آد-سان ایستیر
انسان اولماق ذرّه جَه
انصافلا وجدان ایستیر
nə din,nə iman istir
nə pul,nə ad-san istir
insan olmaq zərrəcə
insafla vicdan istir

جانینی آسان وئرر
جان وئرنده قان وئرر
"حیله ایله ایش گورن
محنت ایله جان وئرر"
canini asan verər
can verəndə qan verər
hiylə ilə iş görən
mehnət ilə can verər 

گؤیدن گلن آیه سن
گونش سن سَن،سایه سَن
بولبولون دیلینده کی
گؤزل بیر حیکایه سن
göydən gələn ayə sən
gönəş sən sən,sayə sən
bülbülün dilindəki
gözəl bir hekayə sən 

بیر سؤز دئییرَم کی اوندا صحبت یوخدور
جاهیل اولاسان،سن ده فضیلت یوخدور
اؤرگن بو سؤزو، قولاغینا سیرغا ائله
نادانلیغدان بویوک مصیبت یوخدور
bir söz deiyrəm ki onda söhbət yoxdur
cahil olasan,səndə fazilət yoxdur
örgən bu sözü,Qulağina sırğa elə
nadanliğdan büyük müsibət yoxdur

دوغرولار یالان اولار
پالتارین پالان اولار
جیبین،الین بوش اولسا
یاخشی لار یامان اولار
doğrular yalan olar
paltarin palan olar
cibin,əlin boş olsa
yaxşilar yaman olar

سن باغیم ،گول،چمنیم
قوجاغین دیر وطنیم
هئچ عیبی یوخ،قوی اولسون
آی گئجه نین،سن منیم
sən bağim,gül,çəmənim 
qucagindir vətənim
heç eybi yox qoy olsun
ay gecenin,sən mən

درد،آمالینی بیلمَز
قال-ماقالینی بیلمَز 
الی بوش،آج قالمایان
آجین حالینی بیلمَز
dərd,amalini bilməz
qalmaqlini bilməz
əli boş,ac qalmayan
acin halini bilməz