سن باغیم ،گول،چمنیم
قوجاغین دیر وطنیم
هئچ عیبی یوخ،قوی اولسون
آی گئجه نین،سن منیم
sən bağim,gül,çəmənim 
qucagindir vətənim
heç eybi yox qoy olsun
ay gecenin,sən mən

ایزین وار،اثَرین وار
لوطفون وار،قَهَرین وار
منیم کؤنلومدن سورا
هر شِی دَن خبرین وار
izin var,əsərin var
lütfün var,qəhərin var
mənim könlümdən sora
hər şeydən xəbərin var

انسانی درده سالار
ایلان تک سیزی چالار
شاد اولمایان اورکده
آجی نین ایزی قالار
insani dərdə salar
ilantek sizi çalar
şad olmayan ürəkdə
acinin izi qalar

ساغ اول،یاشا دئمَه رَم
باشدان باشا دئمَه رَم
اؤلسَه م دَه،تولکویَه بَئی
ایتَه پاشا دئمه رَم
sağ ol,yaşa demərəm
başdan başa demərəm
ölsəmdə tülküyə bəy
itə paşa demərəm

ürəyim qəmdən dolub
gözlərim lap yorulub
içimdəki mahnilar
sənsiz solub,boğulub
اوره ییم غَمدَن دولوب
گؤزلریم لاپ یورولوب
ایچیمدَه کی ماهنیلار
سَنسیز سولوب،بوغلوب

اوره ییم لیمانین دیر
گؤزلریم حیرانین دیر
دونیانین گؤزل یئری
سنین قلبین،یانین دیر
ürəyim limanindir
gözlərim heyranindir
dünyanin gözəl yeri
sənin qəlbin,yanindir

اوزاق یوخ،یانیمدادیر
قلبیمده،قانیمدادیر
جانیمی یاخانلارین
هامیسی جانیمدادیر
uzaq yox,yanimdadir
qəlbimdə,qanimdadir
canimi yaxanlarin
hamisi canimdadir