به غیر حسرت آپارماز بشر بودونیادان
قوتور کئچی کئچر و شیر نر بو دونیادان

غرورو ترک ائله، دایم مَنم مّنم ائله مَه
سّنی ده توپراق ائدَر، الحذر بو دونیادان

دّرین دَنیزدیر آدام اوغلونو بَتَر بوغاجاق
نجات تاپمایاجاق بیر نفر بو دونیادان

وئریر میللته دائم خبر او دونیادان
اگرچه شیخ ده یوخدور خبر بو دونیادان

فلاسفه بویوروبلار، منیم سؤزوم ده بودور
بیرآز لذّت آپار مختصر بو دونیادان

اگرچه درس اوخویوب، لاپ سفیه دی نوع بشر
قودوق گلیبدیر و ائششک گئدر بو دونیادان

سن فیکر ائلمه داغین ایچینده یاشادیم
جنّت ده،بولاغ-باغین ایچینده یاشادیم
بیر عمر عذاب چکدیم و جان وئردیم
بیر عدّه قورومساغین ایچینده یاشادیم

ایرانی بیر قفس چک
یاشامی آه- هوس چک
یوخاریدان اولمادی
آشاغیدان نفس چک
irani bir qəfəs çək
yaşami ah-həvəs çək
yukarıdan olmadı
aşağıdan nəfəs çək

چوللرده مین الاغی 
گئت دولان باغ-بولاغی
ایراندا قال کیف ائله
ساپا دوز اوستوراِغی

çöllerde min ulaği 
get dolan bağ-bulaği 
iranda qal key elə
sapa düz osturği

گؤیلوم چکیب تالانام
کوچه لرَه جالانام
 بیر قاری ائششگ ایله
شهر ایچینده دولانام

آی: ماه است و ستاره : اولدوز

آب : سو باشد و دست : ال ، یَخ : بوز

سوز : سخن، خواب : یوخو ، کار : ایش است

باش : سر باشد و دندان : دیش است

ایت : سگ ، گاو : اینک ، مار : ایلان

صبر کن ، تکیه بده هست : دایان

هست دارایی و وارلیق : ثروت

ائششک و عقلی گوتونده : ملت

ملّتین دُشمنی شیخ و چین است !

آغری : درد است و آغیر : سنگین است

کودن و گول و نفهم : آخماق است

دولتین ایشی:  بیزه سوخماق است

پنج : بش باشد و پنجاه : اللی

آستا : آهسته و واضح : بللی

بالا : فرزند و باخیش است نگاه

راه : یول ،ریزه : بالاجا ، قویو : چاه

آروادین ایشی نه دیر ؟ : قهر ائله مَک

زندگانلیغی سَنه زهر ائله مَک

توی همان : سخت پوخا باتماق است

علت رشد : آدام ساتماق است

بئله : اینگونه و مغز است : بئیین

کله میز هست پَر از کاه و پئیین !

جۆجه،تۏیۇق،رانا اَلیم چاتمادی !

دلبر جانانا اَلیم چاتمادی!

رشوه نی وئردیم گؤزل افسرلره!

چۆنکۆ گرۇهبانا الیم چاتمادی!

لۆت گزیرم کۆچه ده مجنون کیمین !

بیر پارا تومّانا اَلیم چاتمادی !

تۇتدۇم اۏرۇج،کعبه ده قیلدیم ناماز !

آللاها،ایمانا اَلیم چاتمادی!

میزی سئون حاکمی گئتدیم گؤرۆم

قاپییا، دربانا اَلیم چاتمادی !

گلدی یۇخۇما «حاجی اکبر » دئدی :

« حوریا،قیلمانا اَلیم چاتمادی »

سن هله مین مۆفته «پرادو»لاری

دنده یه،فرمانا اَلیم چاتمادی!

شیطانا درس اؤیره‌دیرسن،هئی دئمه

ایزد سبحانا الیم چاتمادی !

سۆفره قیراغیندا اۏتۇردۇم ، ولی

قیمه ، فیسنجانا الیم چاتمادی !

دیش وئریب آرپا چورگین وئرمَدی

صاحب دندانا اَلیم چاتمادی !

قیسمتم اۏلدۇ قۇرۇ حسرت یئمَک

باغا ، گۆلستانا الیم چاتمادی !

تاکی سیزین وارلیقیزی یۆکله‌یم

پیکانا ، نیسانا اَلیم چاتمادی !

قۏیمادیلارکی اؤزۆمۆ اؤلدۆرۆم

نقطه ی پایانا اَلیم چاتمادی

 عاشق اولدو خالینا

یککه،اوزون شالینا

آروادا خوش کئچیر یا

ائششگین خوش حالینا؟

یاتمیشام آمما اویانا بیلمیرَم

دؤزیولو،دؤز رسمی قانا بیلمیرَم

ائیله میشَم یوز میلیار اختلاس

آخ! نَه دَن دیر اوتانا بیلمیرَم ؟

دوشدو دولو باشیما هی پول یاغیر

بیر چالادا دالدالانا بیلمیرَم !

قوزامیشام سئل گئتیرَن پوللاری

آمبارین آلتیندا سانا بیلمیرَم !

عقد ائدیرم قحبه،دول آروادلاری

قیزلارین عشقیندَه یانا بیلمیرَم !

من گئدیرَم «روسیه» دَه کئف چکیم

یوخسول آدام گلدی جانا؟بیلمیرَم

ایستَه ییرم «رُم»،«کانادا»یا گئدیم

پیس دی بو کشور دایانا بیلمیرَم

مملکتین یوللاری لاپ اگری دی

داغلاری داغ دی دولانا بیلمیرَم

ایشلری ناقص دی،یالان سؤزلری

دؤندو بو میللت یالانا؟بیلمیرَم !

قورخوجو،سون سوزدو قارانلیقللارا

باز ایشیق؟آی جالانا؟بیلمیرَم !

قحبه فلک قدریمیزی بیلمَه دی

ائششگی ساتدی پالانا؟بیلمیرَم !

«حاجی رجب» ثروتین دریاسی دیر !
شهریمیزین اَن بویوک شوراسی دیر !
شورا اولماق اونون تمناسی دیر !
ناماز قیلماز،گونده گئدر نامازا !

چؤ دوشوبدور ریانی ترک ائدیبدیر !
شهرداریلان اروپایا گئدیبدیر !
بودوره بئش یوز میلیون وئریبدیر!
بیر هفته لیگ توتوبدور بیر مغازا !

تبلیغ ائدیر دووارلاردا اؤزونو 
قازئت لرده یازیب یالان سؤزونو

چیخاردیرلار رقیب لری گؤزونو
دئیرلر : رای وئرمه یین حقه بازا !

ائشیدمیشم دئییبدیر : آی جماعت !
ایسته ییرم سیزدَن ائدیم حمایت 
هی ائدیرم رقیبلن رقابت 
خدمت ائدیم سیزلره تازا تازا !

یالان دئییر هئچ کیمسه دَن اوتانمیر 
یالان دئمیر ،دگیرمانی دولانمیر 
قارقیشلانیب آمما نیه اوزانمیر ؟!
موفته خیارلاری سوخور بوغازا !!

دئییرکی : من اوزالدارام بوی لاری !
قیز - اوغلانا چوخالدارام توی لاری !
قورخمایین اصلاح ائدرم سوی لاری !
دوندَرَرَم تولکی،چاققالی غازا !!