شاه،سلطان چَکه بیلمَز

باشچی،خان چَکه بیلمَز

وفا چوخ آغیر یوک دور

هر انسان چَکه بیلمَز

Şah,Soltan çəkə bilməz

Başçı,Xan çəkə bilməz

Vəfa çox ağır yükdür

Hər insan çəkə bilməz

سؤیوش،کؤتک یوخسولون
یاوان چؤرَک یوخسولون
وطن وارلیلارین دیر
وطن سئومک یوخسولون
Söyüş,kötək yoxsulun 
Yavan çörək yoxsulun 
Vətən varlıklarının
Vətən sevmək yoxsulun 

کیم دئییب تالان اولماز
باهاری خزان اولماز ؟
ایران هئچ واخت دؤزلمَز
آجی سؤز یالان اولماز
Kim deiyb talan olmaz
Bahari xəzan olmaz?
Iran heç vaxt düzəlməz 
Aci söz yalan olmaz 

ادب سیز خَطرلی دیر
یامان،دَرد سرلی دیر
سایغی،دوشونجَه،ادب
قیزیل دَن دَیَرلی دیر

Ədəbsiz xətərli dir
Yaman,dərdesərli dir
Sayğı,düşüncə,ədəb
Qizildən dəyərli dir

سَن سیز گول- چیچَک سولار
گؤزلریم یاشلا دولار
قلبین مَنده اولاندا
اَللرین کیمدَه اولار ؟
Sənsiz gül-çiçək solar
Gözlərim yaşla dolar
Gəlbin məndə olanda
Əllərin kimdə olar ?

بلکه آت-ائششک اولار
بلکه گؤل_چیچک اولار
آدام اؤلُندَن سورا
کول اولار،تزک اولار
Bəlkə at-eşşək olar
Bəlkə gül-çiçək olar
Adam öləndən sora 
Kül olar,təzək olar 

عشق یولوندا شَر اولار
داش اولار،خُطر اولار
یارانین دَرینلیی
سئودییین قَدَر اولار
Eşq yolunda şər olar 
Daş olar xətər olar 
Yaranın dərinliyi 
Sevdiğin Qədər olar

گؤزیاشیمی گؤرمَه دی 
دردیمی سؤپورمَه دی 
تانریا چوخ زنگ ووردوم 
گوشینی گؤتورمَه دی 

بیشمیشی،خامی سئومَه
شرابی،جامی سئومَه
نه اولور من بوردایام
آیری آدامی سئومَه
Bişmişi,xami sevmə
Şərabi,cami sevmə
Nə olur mən burdayam
Ayri adami sevmə

شکر،بال اولا بیلمز
قورد،قارتال اولا بیلمَز
اَلی،جیبی بوش اولان
آغ ساققال اولا بیلمَز
Şəkər,bal olabilmez
Qurd,qartal olabilməz
Əli,cibi boş olan
Ağsaqqal olabilməz