آج،وطن سیز اؤلمُه رَم
لؤت،کفن سیز اؤلمَه رَم
سَن مَنیم یوخلوغومدان
مَن دَه سَن سیز اؤلمَه رَم
Ac,vətənsiz ölmərəm
Lüt,kəfənsiz ölmərəm
Sən mənim yoxluğumdan
Mən də sənsiz ölmərəm 

کول اولار،خزل اولار
یاشامی مثل اولار
آجیسی چوخ اولانین
گولوشو گؤزل اولار
Kül olar,xəzəl olar
Yaşami məsəl olar
Acisi çox olanın 
Gülüsü gözəl olar

قاچما،دایان، اونوتما
بیر دَم،بیر آن اونوتما 
عاشیق اولوب،سئومه یی
هئچ بیر زامان اونوتما
Qaçma,dayan,unutma
Bir dəm,bir an,unutma
Aşiq olub,sevməi
Heç bir zaman unutma 

اوزگونلری شاد ائدر
قوللاری آزاد ائدر
قلبینی تعمیر ائدن
دونیانی آباد ائدر
Üzgünleri şad edər
Qullari azad edər
Qelbini təmir edən
Dünyani abad edər

باجیسی قارداش اولسون 
گؤزلری لاپ یاش اولسون 
یوخسوللارین دردینی 
تانیمایان داش اولسون 
Bacisi qardaş olsun 
Gözləri lap yaş olsun 
Yoxsulların dərdini 
Tanımayan daş olsun 

ایرانین باغلاری وار
چؤل،قورو داغلاری وار
الی بوش کیشی لری
قوجا اوشاغلاری وار
Iranin bağları var
Cöl,quru dağlari var
Əliboş kişiləri
Qoca uşağları var

گلمَه میشَم قالماغا
زورنا-قاوال چالماغا
من دونیایا گلمیشَم
آغیزدان سؤز آلماغا
Gəlməmişəm qalmağa
Zura-qaval çalmağa
Mən dünyaya gəlmişəm
Ağızdan söz almağa

دؤلت میللتی سویوب
میللت دؤلت دن دویوب
آج،سوسوز،یورغون ،اوزگون
خلقی آسیلی قویوب
Dövlət milləti soyub
Millət dövlətdən doyub
Ac,susuz,yorgun,üzgün
Xalği asili qoyub

یومورتا تویوق اولار 
قیش اولسا،سویوق اولار
ائششک دوغسا،بالاسی
آت اولماز،قودوق اولار
Yumurta toyuq olar
Qiş olsa,soyuq olar
Eşşək doğsa,balasi
At olmaz,qoduq olar

یاری یولدا بوراخما
ساغدا ،سولدا بوراخما
عاشیق اولدون،کیشی اول
یاری، یولدا بوراخما
Yari yolda buraxma
Sağda,solda buraxma
Aşiq oldun kişi ol
Yari,yolda buraxma