پاییز،قیش،باهارام من
سنه گوره وارام من
مین یول دونیایا گلسه م
سن سیز یاشامارام من
payız, qış, baharam mən
sənə görə varam mən
Min yol dünyaya gəlsəm
sənsız yaşamaram mən

سن سیز قارادیر اوزوم
یوخدور قراریم، دؤزوم
گل قوجاغیمدا اوتور
ساچلارینا گؤل دوزوم
Sənsiz qaradir üzüm
Yoxdur qərarim,düzüm
Gəl qucağimda otur
Saçlarına gül düzüm

سَن سیز گول- چیچَک سولار
گؤزلریم یاشلا دولار
قلبین مَنده اولاندا
اَللرین کیمدَه اولار ؟
Sənsiz gül-çiçək solar
Gözlərim yaşla dolar
Gəlbin məndə olanda
Əllərin kimdə olar ?

آتدان،سول-ساغدان دوشوب
داغدان،بوداغدان دوشوب
سن سیز وورغون اؤره ییم
الدن،آیاغدان دوشوب
Atdan,sol-sağdan düşüb
Dağdan, budağdan düşüb
Sənsiz vurğun ürəyim
Əldən,ayağıdan düşüb 

ایچیرم توفانلاری
درد لری ، دومانلاری
سن سیز یالقیز گزیرم
آجی خیابانلاری

دوزسوز ، بایات،آجی دیر
معناسیز،مات،آجی دیر
یئردن،گویدن غم یاغیر
سن سیز حایات آجی دیر

تاثیر یوخو نفس ده بوردا سن سیز
مین عاشق اؤلوب هوس ده بوردا سن سیز
یول باغلی،دومانلی ، لاپ اومودوم اوزولوب
هی آه چکیرم قفس ده بوردا سن سیز

جانیم سنه بنده دیر
آرزو،سئوگین منده دیر
سن سیز یاشایا بیلمم
عاقلیم،فیکریم سنده دیر
canim sənə bəndədir
Arzu, sevgin məndədir
Sənsiz yaşaya bilməm
Aklim, fikrim səndədir

یوخدور مَنه ایستَک لی و  همدم سَن سیز
ای یار مَنی هلاک ائدَر غم سَن سیز
گؤز یاشیما، یالوارماغیما رحم ائله ، گل
دونیام اولاجاق زَهَر، جهنّم سَن سیز

سَن سیز بیتیب طاقتیم

یاتیب بختیم ، ساعتیم

یئرلَشمَز هئچ کلمَه دَه

سَنَه اولان حسرتیم

sənsiz bitib taqətim

yatib bəxtim , saətim

yerləşməz heç kelemədə

sənə olan həsrətim