ایزین وار،اثَرین وار
لوطفون وار،قَهَرین وار
منیم کؤنلومدن سورا
هر شِی دَن خبرین وار
izin var,əsərin var
lütfün var,qəhərin var
mənim könlümdən sora
hər şeydən xəbərin var

جانی،عؤمرو تالان دیر
اوره یی دولوقان دیر
گرچکدن اینانمیشام
هر انسان بیر یالان دیر
cani ömrü tatlandır
ürəyei doluqandir
gerçekdən inanmışam
hər insan bir yalandır

نه دیل اول،نه آغیز اول
بو سؤزومه تجهیز اول
ائششکلرین یانیندا
کیتاب کیمین سس سیز اول
nə dil ol,nə ağız ol
bu sözümə təchiz ol
eşşələrin yanında 
kitab kimin səssiz ol

داماریم،قانیم یاندی
باغیم،بستانیم یاندی
وطنیم اود توتاندا
منیم ده جانیم یاندی
Damarim,qanim yandi
bağim,bostanim yandi
vətənim od tutanda
mənimdə canim yandi

انسانی درده سالار
ایلان تک سیزی چالار
شاد اولمایان اورکده
آجی نین ایزی قالار
insani dərdə salar
ilantek sizi çalar
şad olmayan ürəkdə
acinin izi qalar

سَندن باشقا سئچمَه رَم
آیری یولا کئچمَه رَم
دَرین،توفانلی اولسا
دَنیزدَن واز کئچمَه رَم
səndən başqa seçmərəm
ayri yola keçmərəm
dərin,tufanli olsa
dənizdən vazkeçmərəm

اینک،اینک قالاجاق
کؤپک،کؤپک قالاجاق
مین یول دونیایا گلسه
ائششک،ائششک قالاجاق
inək,inək qalacaq
köpək,köpək qalacaq
min yol dünyaya gəlsə
eşşək,eşşək qalacaq

ساغدا،سولدا بوراخماز
سویو دولدا بوراخماز
عاشیق اینسان یارینی
یاری یولدا بوراخماز

sağda,solda buraxmaz
suyu dolda buraxmaz
aşiq insan yarini
yariyolda buraxmaz

کیم دئییب یارا باخمام
عشقینده سوسوب،آخمام
سئوگی منی بوراخسا
سئودییمی بوراخمام
kim deyib yara baxmam?
eşqində susub,axmam
sevgi məni buraxsa
sevdiyimi buraxmam

آدام نه دیر ؟ اودون دور
بیر ساللاقلیق قویون دور
داوام سیز زندگانلیق
بیر مسخره اویون دور
adam nədir odundur
bir sallaqliq qoyundur
davamsiz zendəganliq
bir məsxərə oyundur