آتشی آلیشدیرار
ساواشی قیزیشدیرار
کیتاب قاریشدیرمایان
اورتانی قاریشدیرار
Atəşi alişdirar
Savaşı qizişdirar
Kitab qarişdirmayan
Ortani qaristirar

زیروه ده،داغدا ساخلار 
قورو چؤل،باغدا ساخلار
دونیادا بیر انسانی
سئوگی آیاغدا ساخلار

باتمیشدیم بیر باتلاغا
دوشموشدوم بیر دوستاغا
سنی سئودیم ،باشلادیم
یئنی دن یاشاماغا

گل بیر آز یئتیش منه
چیریش تک یاپیش منه
شیرین دوداغلاریندان
وئر بیر آز یئمیش منه

gəl biraz yetiş mənə
çiriş tek yapiş mənə
şirin dodaqlarindan
ver beraz yemiş mənə
 

آدام نه دیر ؟ اودون دور
بیر ساللاقلیق قویون دور
داوام سیز زندگانلیق
بیر مسخره اویون دور
adam nədir odundur
bir sallaqliq qoyundur
davamsiz zendəganliq
bir məsxərə oyundur

اوره ییم لیمانین دیر
گؤزلریم حیرانین دیر
دونیانین گؤزل یئری
سنین قلبین،یانین دیر
ürəyim limanindir
gözlərim heyranindir
dünyanin gözəl yeri
sənin qəlbin,yanindir

اوزاق یوخ،یانیمدادیر
قلبیمده،قانیمدادیر
جانیمی یاخانلارین
هامیسی جانیمدادیر
uzaq yox,yanimdadir
qəlbimdə,qanimdadir
canimi yaxanlarin
hamisi canimdadir

قودوق،ائششک،آت ایچین
بیر پارا،مانات ایچین
اینسان درد،عذاب چکیر
موتلو بیر حیات ایچین
qoduq,eşsək,at için
bir para,manat için
insan dərd,əzab çəkir
mutlu bir həyat için

سو ایچمَه هر بولاغدان
گؤل دَرمَه هر یاناغدان
داغدان دوش، دَره دَه اؤل
آسلانما هر بوداغدان
su içmə hər bulaqdan
gül dərmə hər yanaqdan
dağdan düş dərədə öl
aslanma hər budaqdan

گؤزوم قالیب دیر سنده
سئویرَم سَنی منده
دونیا گؤزومدَن دوشدو
سَنَه گؤزوم دوشندَه
gözüm qalibdir səndə
sevirəm səni məndə
dünya gözümdən düsdü
sənə gözüm düşəndə