اونا جانیم دئمه سین
غم، غصه سین یئمه سین
بیریسین ایستیرم کی
آیریسین ایستمه سین
ona canim deməsin
qəm, qüssəsin yeməsin
birisin istirəm ki
Ayrisin istəməsin

عشق داغیم، دایاغیم دیر
گول،باغیم-بولاغیم دیر
یانلیش دوشونجه لریم
لاپ بویوک دوستاغیم دیر
Eşq dağim,dayağim dir
Gül,bağim,bulağim dir
Yanlış düşüncələrim
Lap büyük dustağim dir

سنینله بال،شکرم
دردین،نازین چکرم
گوزل،آغ یاناغیندا
آلمالیقلار اکرم

حایاتدان یورولموشام
غم،کدردن دولموشام
آجیلار دنیزینده
چوخدان دیر بوغولموشام
Hayatdan yorulmuşum
Qəm,kədərdən dolmuşam
Acılar dənizinde
Çoxdandir boğolmuşam

عشق شیرین دیر،مزه لی
سوردون دردی وار؟ بلی
عاشیق اولمایان آدام
یا اؤلو دور یا دَلی
Eşq şirindir,məzəli
Sordun,dərdi var?bəli
Aşiq olmayan adam
Ya ölüdür,ya dəli

دئمه کی میخانا دیر

بیزه آتا،آنا دیر

اودوب،لاپ اودوزورسان

دونیا قومارخانا دیر

Deməki meyxanadir

Bizə ata,anadır

Udub,lap uduzursan 

Dünya qumarxanadir

دونیا اونو اونوتماز
اؤلوم اونو قوروتماز
یاری گؤزل اولانین
گؤزونو یوخو توتماز
Dünya onu unutmaz
Ölüm unu qurutmaz
Yari gözəl olanın
Gözünü yoxu tutmaz

پیس دیر درین اولماسا
دادلی،شیرین اولماسا
دی گؤروم حایات نه دیر
شراب ،قادین اولماسا ؟
Pistir dərin olmasa
Dadli,şirin olmasa
Di görüm hayat nədir
Şərab,qadin olmasa

ازیلیب جانلاریمیز

قورویوب قانلاریمیز

حالیمیزا آغلاییر

یورغون یورغانلاریمیز

Əzilib canlarımız

Quruyub qanlarımız

Halımıza ağlayır

Yorğun yorğanlarımız

آج آدام گئدر ایشَه

ایت سود وئرَر چَپیشَه

گون اولار، دوران دونَر

اولموش اومید یئتیشَه