ساغلام قوجادان، دوزگون ایگیددن ال چَک
پیس جور قاپی باغلانیب ،کلیددن ال چَک
ایراندی جهنم،یازیلیب تابلوسونا
گلدین بورا هر ایستَک،اومیددن ال چَک

آج آدام گئدر ایشَه

ایت سود وئرَر چَپیشَه

گون اولار، دوران دونَر

اولموش اومید یئتیشَه

الهی اورپانی ویران ائله

پوخا باتمیش ایرانی آلمان ائله

دی یاغسین بولوددان شراب و عرق

بورانی بهشت ائیله،جبران ائله

نه دیر انقلاب زن و زندگی

قیز-آروادلاری اولدور اوغلان ائله

عزادان یورولدوق بیزیم ایچین بیر آز

چالیب اویناماق فیلمین اکران ائله

گوناهیم چوخالدی،منی توت آپار

گوزللر قوجاغیندا زندان ائله

تویوغی خروز و خروزی تویوق

پیشیک خصلت انسانی سیچان ائله

کدو تاپمادین زجر و تنبیه ائله

جهنّم ده شیخی بادمجان ائله !

اگر سن کیشی سن او دونیادا یوخ

قوجا آروادی بوردا جیران ائله !

بو دونیا جنّتِ نادان اولوبدور

اوره یی قان گوزل اینسان اولوبدور

دئدین : دونیا نه دیر ؟ بیر سینمادا

مزخرف فیلم دیر،اکران اولوبودور !!

عشقی چوخ گؤرور منه
دردلری سؤرور منه
دونیا بیر قودوز ایت دیر
ازلدن هؤرور منه
Eşqi çox görür mənə
Dərdləri sörür mənə
Dünya bir Quduz it dir
Əzəldən hürür mənə

کور میللت آلچاق اولار
داش اولار،تورپاق اولار
ایتدَن آج،اؤزوندن توخ
ایلاندان چیلپاق اولار
Kor millət alçaq olar
Daş olar,torpaq olar
Itdən ac,özündən tox
Ildandan çilpaq olar

شاه،سلطان چَکه بیلمَز

باشچی،خان چَکه بیلمَز

وفا چوخ آغیر یوک دور

هر انسان چَکه بیلمَز

Şah,Soltan çəkə bilməz

Başçı,Xan çəkə bilməz

Vəfa çox ağır yükdür

Hər insan çəkə bilməz

باغلارا بار گئتیردی
داغلارا قار گئتیردی
سنین سئودان کؤنلومه
یوزمین باهار گئتیردی
Bağlara bar gətirdi
Dağlara qar gətirdi
Sənin sevdan könlümə
Yüz min bahar gətirdi

Yaşamın mənasıdır
Doyğular adasıdır
Yar mənim dənizimin
Lap gözəl qayasıdır
یاشامین معناسى دیر
دویغولار آداسی دیر
یار منیم دنیزیمین
لاپ گؤزل قایاسی دیر

بیری وارکی پری دیر
قهوه نین شکری دیر
آدی،یادی،قوخوسو
دیلیمین ازبری دیر
Biri var ki pəridir
Qəhvənin şəkəridir
Adı, yadı, qoxusu
Dilimin əzbəridir