وئردین گؤزل ایّام منه،عشق اولسون
دونیادا سنینله گزنه عشق اولسون
سندن دی حایاتیم،نفسیم،هرزادیم
ای جانیمیز ای عشق،سنه عشق اولسون
درک ائیله،اوتان،گئتمه،بوراخما بیزی سن
بیر لحظه،بیر آن،گئتمه،بوراخما بیزی سن
سن سیز بو حایات نه دیر؟ :جهنم چیچگی
ای عشق دایان،گئتمه،بوراخما بیزی سن
الدَن وئریب عاغلینی،دلی مجنون دور
فرهاد کیمین،کَرَم کیمین وورغون دور
هرکس سنین آماجین اولوب، گؤزلرینه
ایستی دوداغین،یئریکله ین قورشون دور