من ائششگی شیشیلک و کباب ائیله‌دیم، اولدو
سیخدیم اوزومو،شیره،شراب ائیله‌دیم، اولدو
صیغه ائله دی بیر گؤزل آروادی منیم اوچون
سردفتری غرق میِ ناب ائیله‌دیم، اولدو
هی سؤیله‌دیلر کی دئمه هر ناکسه اینسان
اوغرو آداما "آغا"خطاب ائیله‌دیم، اولدو
چون چاتدی ریاست منه لاپ ایشلره سیچدیم
اینسانیت،اخلاقا پئشاب ائیله‌دیم، اولدو
بیر اوغرو قادین سویله‌دی:« قاچدیم وطنیمدَن
آیری یئره و ترک حجاب ائیله‌دیم، اولدو
چونکی الیمه موفته،اوغورلوق پولو گلدی
ایچدیم اوزومو مَست و خراب ائیله‌دیم، اولدو
واعظ دئییلم آمما دول آروادلاری گونده
هی عقد ائله‌دیم،صیغه،ثواب ائیله‌دیم، اولدو
چوخ یاوه دئدیم،شاعیر اولوب،شؤهرته چاتدیم
اشعاریمی دیوان و کیتاب ائیله‌دیم، اولدو