یاریم وطنه دؤندو
روحوم بدنه دؤندو
 داشدان دا برک اوره ییم 
چاییر چمنه دؤندو
yarim vətənə döndü
ruhum bədənə döndü
daşdan da bərk ürəyim
çayır çəmənə döndü

باهار اولدون،قیش اولدون
قهر اولدون،باریش اولدون
دومانلی داغلاریما
چؤلومه یاغیش اولدون
bahar oldun,qiş oldun
qəhr oldun,barış oldun
dumanlı dağlarima 
çölüme yağiş oldun

جنّت اورادیر که آه و ماتم یوخدور
ساقیّ و شراب چوخدور و غم یوخدور
باور ائلمَه پوچ و یالان وعده لری
بوردان سورا هئچ یئرده جهنّم یوخدور

cənnət oradır ki ah o matəm yoxdur
saqi o şərab çoxdur o qəm yoxdur 
bavər eləmə puç o yalan vədələri
burdan sora heç yerdə cəhənnəm yoxdur

نه دین،نه ایمان ایستیر
نه پول،نه آد-سان ایستیر
انسان اولماق ذرّه جَه
انصافلا وجدان ایستیر
nə din,nə iman istir
nə pul,nə ad-san istir
insan olmaq zərrəcə
insafla vicdan istir

نه دین،نه ایمان ایستیر
نه پول،نه آد-سان ایستیر
انسان اولماق ذرّه جَه
انصافلا وجدان ایستیر
nə din,nə iman istir
nə pul,nə ad-san istir
insan olmaq zərrəcə
insafla vicdan istir

جانینی آسان وئرر
جان وئرنده قان وئرر
"حیله ایله ایش گورن
محنت ایله جان وئرر"
canini asan verər
can verəndə qan verər
hiylə ilə iş görən
mehnət ilə can verər 

ایشین، گوجون زار اولماز

گؤزلرین آغلار اولماز
آللاه سنه یار اولسا
دونیا سنه دار اولماز
işin,gücün zar olmaz
gözlərin ağlar olmaz
allah sənə yar olsa
dünya sənə dar olmaz

گؤیدن گلن آیه سن
گونش سن سَن،سایه سَن
بولبولون دیلینده کی
گؤزل بیر حیکایه سن
göydən gələn ayə sən
gönəş sən sən,sayə sən
bülbülün dilindəki
gözəl bir hekayə sən 

بیر سؤز دئییرَم کی اوندا صحبت یوخدور
جاهیل اولاسان،سن ده فضیلت یوخدور
اؤرگن بو سؤزو، قولاغینا سیرغا ائله
نادانلیغدان بویوک مصیبت یوخدور
bir söz deiyrəm ki onda söhbət yoxdur
cahil olasan,səndə fazilət yoxdur
örgən bu sözü,Qulağina sırğa elə
nadanliğdan büyük müsibət yoxdur

دئمه قیزیل کیمین ویر
بول بول،زیبیل کیمین دیر
هر کیمسه ده تاپیلار
بهانه قیل کیمین دیر
demə qizil kimindir
bol bol,zibil kimindir
hər kimsede tapilar
bəhanə qil kimindir