هلو صادر اولور قزوین،کرج دَن!

اوغورلوب وارلی اینسان کور،فلج دَن!

اوجاسسله دئییردی یونجالیغدا:

«سکینه دویمادی حاجی فرج دَن»!

دئمَه دشمنی ایستیر

یاسی، سونی ایستیر

چوخ آغیر داریخمیشام

اوره ییم سنی ایستیر

اوغورلوقدان دَلَه اوغرو یورولماز
هئچ اوغرونون جیبی،قورساغی دولماز
گیلئی‌لیک ائیله‌دیم چون اوغرولاردان
دئدی قاضی:مئشَه چاققال‌سیز اولماز
oğurluqdan dələ oğru yorulmaz
heç oğrunun cibi,qursağı dolmaz
gileylik eylədim çün oğrulardan
dedi qazi :" meşə çaqqalsız olmaz

هست قلعه "قالا" ، داخل" ایچَه ری"

پا"آیاق"  ،دست"اَل" و پوست" دَری"

عَرعَر" آنقیرماق " و " آیری" دیگر

"جؤنگه"  گوساله ی نر ، "اَرکَک" نَر

"کؤپَک اوغلو" : هامیدان رشوه آلان

میللتی سرخوش ائدَن:" زورنا چالان"

"کؤرَکَن" دیر " سَرِخر" ، "  قونشو "فضول

انسانین قبله سی :" آغجا ، پارا ، پول "

آدامی دَردَه سالان:" ائولَنمَک "

خیس " ایسلاق " دی ، بیا " گَل " ، بیرَه  « کَک"

پاره " ییرتیق" دیر و " حاق لی" ذی حَق

"یاش " سِن ، "عقلی گؤتوندَه " احمق

کبک " کَکلیک " دی ، " ماما " قابله دیر

"آغلاماق " گریه ، "گئلیلیک " گله دیر

عشق " سئودا " دیر و می پُرس " سوروش"

" اؤزوم " انگور دیر و تنبل " گؤتو بوش"

" قیز " دختر ، پسر " اوغلان دی ، اوغول"

سیکی چارشابا دولاشمیش " یوخسول"

"آنلاماق" دیر قَدَغن ، فهم " یاساق"

"اؤلوم " ، آسان دیر و خُنّاق " قوناق "

بیزیم ایستَکله َریمیز :"کَرمَه ، قالاق"

ایرانین میللتی :" مومدان یوموشاق "

سئودالیق :" عاشقی " ، و دندان " دیش "

زشت " چیرکین " دی ،جهنّم " یاشاییش "

مغز گردو "  قوز ایچی " ، صورت " اؤز "

اندکی صبر بکن " بیر آز دؤز "

منتظر " گؤزله یَن " و رد شو " کئچ "

پیس ایشین پاسخی :" سوسماق دیر و هئچ

مؤمن لریله صؤحبت و جنگ ائیله مَه سَن

قاچ گَل، خومارام، هی منی لنگ ائیله مَه سَن

پالچیق اولاجاق مؤمن و کافر آخر

ساقی مَنَه وئر باده، درنگ ائیله مَه سَن

یول کسَن اکبرَه سلام اولسون !

اوغرو حاج اصغرَه سلام اولسون !

چایچی یَه،رشوه یَه،ایداره لرَه!

منشی یَه، دفترَه ،سلام اولسون !

اری قیز باز و آرواد اویناش باز!

بوجور آرواد–ارَه سلام اولسون !

اختلاس ائیله دی بش- اون میلیارد !

مال یایان صَفدَره سلام اولسون !

داها باغلانماسین قَه وَه خاناسی !

چای وئرَن قنبرَه سلام اولسون !

سنگک و بربری باهالاشدی !

چورَه گه،شاطرَه سلام اولسون !

گؤتوبوش قونشوموز- قاراصفرَه-

باجیسی دلبرَه سلام اولسون !

یوخسول اینسان دئدی:«دَدَم یاندی!

قاچدی بوردان هرَه »سلام اولسون !

قونشوموز آروادین بوشاندیردی !

آروادی هاجرَه سلام اولسون !

عقدائدیر،هی طلاق وئریر ،پول آلیر !

صاحب محضرَه سلام اولسون !

الیمیز چاتمادی،ولی هرکس

یئدی کهلیک،کرَه،سلام اولسون !

گئتدی میخانه یَه،دئدی بیر مست :

«ساقی یَه،ساغرَه سلام اولسون »!

-شعرینی  ساتمادی اگر شاعر

شعرینه،شاعرَه سلام اولسون !

ملانصرالدینه،دمکراسی یَه

طنزیازان صابره سلام اولسون!

بال دی،شکردی پیشیگین آروادی

آدی سحردی پیشیگین آروادی!

آددیم آتیب چیخدی حَیَطدَن داما!

اهل سفردی پیشیگین آروادی!

حافظی،سعدینی گئدیب حفظ اددیب

اهل نظردی پیشیگین آروادی!

عؤمرو کئچیردیب رُژلب یاخماغا

کان هنردی پیشیگین آروادی!

گؤز دیبینه قارا بادیمجانلاری

یاخچی اکردی پیشیگین آرودای!

تیریاکی،بنگی،شیره نی ترک ائدیب!

شیشه چَکَردی پیشیگین آروادی!

اخلاقی چوخ یاخشی ایدی، سئوگیلی

آلتی نفردی پیشیگین آروادی

اوستورا مسجد ده گر وارلی آدام

سؤیله یرلر خالق :« رحمتلر سنه »!

اؤسکوره اوردا اگر یوخسول آدام

هی دئیرلر :« آی لعنتلر سنه »!

آی پول ! الله دئیل سن پس نه سن ؟

باش ایَر دونیادا میلتلر سنه

گلیر شمرین باباسی بیر طرف دَن

حوسینین مبتلاسی بیر طرف دن

قارا کوینَک گئییب «حاجی سلیمان»

توکور قان- یاش آتاسی بیر طرف دَن

یاخیب ماتیک گؤتو بشکه« فرشته»

اولوب جیران بالاسی بیر طرف دَن

سئویر«تهمینه» نی الیاسین اوغلو

دئیر رستم:"قاداسی" بیر طرف دن

«سکینه دایقیزی» چای پایلاماغدا

باغیشلاندی خطاسی بیر طرف دن

الی اگری رئیسین باغری قان دیر

باشا گلمیر اداسی بیر طرف دن

اورکدن آغلاییر دوزگون،گول اوغلان

دَله،شهرت گداسی بیر طرف دن

یئره بیر عالمه لیوان توکوبلر

باتیق شهرین فضاسی بیر طرف دن

قیز-اوغلاندا حیا یوخدور گئدیبدیر

ار-آروادین حیاسی بیر طرف دن

ائدیب غیبت «پری»هیئت ده مین یول

اولوب تامین غذاسی بیر طرف دن

گؤیَه قالخیب جیریق طبلین صداسی

دول آروادین دعاسی بیر طرف دن

محرّم دیر منی آغلاتدی آجلیق

حوسینین ماجراسی بیر طرف دن

گل سؤز ائشیت اولما کَر

یونجالیغدان یونجا دَر

ایسته دیین بهیشت سَه

گؤزوآج شیخی بَئجَر

gəl söz eşit olma kər

yoncaliqdan yinca dər

istədigin behiştsə

gözüac şixi bəcər