توپ قاباغیندا دورار 
بیر یئنی مکتب قورار
سو اولماسا آج آدام
اؤزونو اودا وورار
top qabağinda durarar
Bir yeni məktəb qurar
Su olmasa ac adam
Özünü oda vurar

آتا-آناسی سئومز 
آرواد-اوشاق بَیَنمَز
قوردون آغزینا آتسان 
آج آدامی قورد یئمَز
Ata-anasi sevməz
Arvad-uşaq bəyənməz
Qurdun ağzina atsan
Ac adami qurd yeməz

سوسوز قالدیز سو ایچین
سرین ائدر سو ایچین
میللت قالخار آیاغا
چؤرک ایچین ، سو ایچین

Susu qaldiz su için
Sərin edər su için
Millət qalxar ayağa
Çörək için , su için

هر شئی یم اولوب دوز سوز
گؤزلریم باغلاییب بوز
سن یوخ سان حایاتیمدا
نه آی واردیر نه اولدوز
Hər şeyim olub duzsuz
Gözlərim baqlaeyib buz
Sən yoxsan hayatimda
Nə ay vardir nə olduz

راضی دیلار اؤلمَه یَه
هر شئی لرین بؤلمه یَه
قیرخ ایل دیر حسرت قالیب
میللت دئییب، گولمَه یَه
 Razidilar ölməyə
Hər şeylərin bölməyə
qirx ildir hesrət qalib
Millət diyeb- gülməyə

جانیم سنه بنده دیر
آرزو،سئوگین منده دیر
سن سیز یاشایا بیلمم
عاقلیم،فیکریم سنده دیر
canim sənə bəndədir
Arzu, sevgin məndədir
Sənsiz yaşaya bilməm
Aklim, fikrim səndədir

سو، برقه،پولا، اؤزگه یَه محتاج اولسون
گئتسین ایشه اوندان سورا اخراج اولسون
تا چاره سیز، آج میللتی درک ائله سین
آرزو ائدیرم کی شیخ ده آج اولسون

دفترینده نار چکیر
یوخوسوندا یار چکیر
آجلیق بیر لوت اینسان دیر
یوخسوللوغون جار چکیر
dəftərində nar çəkir
yuxusunda yar çəkir
acliq bir lüt insan dir
yosulluqun car çəkir

سیزه دئمَه م آدینی
هئچ کیم بیلمز دادینی
سئومیشم، سئوجه یم
گونش اوزلو قادینی

ملّا منیّت ده دیر
آفت رعیّت ده دیر
ایران دوشوب پیس گونه
چتین وضعیّت ده دیر