گؤزل له شیب باغلاری
یاشیل لانیب داغلاری
سنین سئوگین له دولوب
کؤنلومون ایرماقلاری

دویغولارین یولو دور
ُسئوگی یاغیب دولو دور
سوسوز، قورو چؤل دئییل
یالقیزلیغیم دولو دور

دونیانی گره ک عاقل آدام کم توتسون 
ُسئوگیلی آلیب قوجاغا محکم توتسون 
چوخ بیلمیش آدام جام شرابین بئلینی
محکم توتا قویماز اوره یین غم توتسون

هم سوسوزام، هم آجام
آیرانام،بولاماجام
یانمیش بویوک مئشه ده
آخیرینجی آغاجام

یالاندان وئرمه خبر
بیر گون ایراندان گئدر
شیخ ایرانی بوراخماز
بایقوش خارابا سئوَر

بو دونیا بوجور بیتَر
آج آدام آجلیق چکر
من دئمیرم مثل دیر
"آج دوغرایار، توخ یئیَر"
Bu dünya bücür bitər
Ac adam açlıq çəkər 
Mən demirəm məsəl dir
Ac doğrayar tox yeyər

توپ قاباغیندا دورار 
بیر یئنی مکتب قورار
سو اولماسا آج آدام
اؤزونو اودا وورار
top qabağinda durarar
Bir yeni məktəb qurar
Su olmasa ac adam
Özünü oda vurar

آتا-آناسی سئومز 
آرواد-اوشاق بَیَنمَز
قوردون آغزینا آتسان 
آج آدامی قورد یئمَز
Ata-anasi sevməz
Arvad-uşaq bəyənməz
Qurdun ağzina atsan
Ac adami qurd yeməz

سوسوز قالدیز سو ایچین
سرین ائدر سو ایچین
میللت قالخار آیاغا
چؤرک ایچین ، سو ایچین

Susu qaldiz su için
Sərin edər su için
Millət qalxar ayağa
Çörək için , su için