بو سوز تاریخدا قالار
وارلی آجدان باج آلار
آج ائششک توخ ائششگی
آج ایت توخ ایتی یالار
bu söz tarıxda qalar
varli acdan bac alar
ac eşşək tox eşşəki
ac it tox iti yalar 

گوزومون ببه یی سن
کؤنلومون دیله یی سن
چیرکین،یالان دونیانین
أن گؤزل گئرچه یی سن
gözümün bəbəyi sən
Könlümün diləyi sən
çirkin,yalan dünyanın
ən gözəl gərçəyi sən

نیفرت،قارغیشیم اولماز
آلیش-وئریشیم اولماز
آتدان یئره دوشسم ده
ائششکله ایشیم اولماز

فیکر ائلمَه یانچی دیر
بیر غریب،یابانچی دیر
دوست بیلَر هاردان وورا
دشمن کور نیشانچی دیر
fikr eləmə yançi dir
bir qərib,yabançı dir
dost bilər hardan vura
düşmən kor nişançi dir

وئرمه ییب آمان سیلر
چوخ دردلی،یامان سیلر
ایسته سن،ایستمَه سن
سنی ده زامان سیلر
verməeib aman silər
çox dərdli,yaman silər
istəsən,istəməsən
sənide zaman silər

بیر گون درد،غوصّه قاچار
اومود گونشی ساچار
برک اول،دایان،اوزولمَه 
صبیر چیچک دیر آچار
bir gün dərd-qüssə qaçar
umud güneşi saçar
bərk ol dayan,üzülmə
səbır çiçek dır açar

یاز ،اوخو من دن سورا 
 آغلا بیلندن سورا 
دردلرین،آجی لارین
بیتر اؤلندن سورا
yaz,oxu,məndən sora
ağla biləndən sora
dərdlərin,acilarin
Bitər öləndən sora

غم- غوصّه نی بوراخ،از
گئت گوزل دونیانی گز
آدام اولندن سورا
یارپیز کیمین گویَرمز
qəm,qüssəni,burax,əz
get gözəl dünyani gəz
adam öləndən sora
Yarpiz kimin göyərməz

سنینله خوش دور جانیم
سن مرهمیم، درمانیم 
یوخسان،سنینله کئچیر
هر نفسیم،هر آنیم
seninle xoşdur canim
sən mərhəmim ,dermanım 
yoxsan ,seninle keçir
hər nəfəsim ,hər anim

ایرانی بیر قفس چک
یاشامی آه- هوس چک
یوخاریدان اولمادی
آشاغیدان نفس چک
irani bir qəfəs çək
yaşami ah-həvəs çək
yukarıdan olmadı
aşağıdan nəfəs çək