بو سؤز یول دور،یولاق دیر
آداملارا دایاق دیر
ائششکلیک: کیف ائله مَک
آنلاماق،آغلاماق دیر
Bu söz yoldur,yolqdir
Adamlara dayaqdir
Eşşəklik:kef eləmək
Anlamaq,ağlamaqdir

قوجا دیر،دیش یوخودور
بئکار دیر،ایش یوخودور
سوروشسان : "حایات نه دیر ؟"
قاریشمیش بیر یوخودور
Qocadir,dış yoxudur
Bekardir iş yoxudur
Soruşsan hayat nədir?"
Qarişmiş bir yuxudur

سحر یوخودان دوردوم
خارجَه قاچماق ایچین
بیر گؤزَل،یئنی قاپی
اوزومه آچماق ایچین

گؤردوم اَل چَکَه بیلمَم
ائویمدَن،وَطنیمدَن
وطنین عشقی چیخماز
روحومدان،بَدنیمدَن

آلداتدیم هی اؤزومو
دئدیم آزادلیق گَلر
بیرگون بیزیم اولکه یَه
راحاتلیق،شادلیق گَلر

درد،آجی، عذاب چَکیب
عؤمور بویو یورودوم
یورغون،پوزغون وطن دَه
قالدیم،اؤلدوم،چورودوم
Səhər yuxudan durdum
Xaricə qaçmaq için
Bir gözəl,yeni qapi
Üzümə açmaq için

Gördüm əl çəkə bilməm
Evimdən,vətənimdən
Vətənin eşqi çıxmaz
Ruhumdan,bədənimdən

Aldatdim hı özümü
Dedim azadliq gələr
Bir gün bizim ölkəyə
Rahatlıq,şadliq gələr

Dərd,acı,əzab çəkib
Ömür büyü yürüdüm
Yorğun,pozğun vətəndə
Qaldim,öldüm,çürüdüm

یاغیش اولدو باغیما
دایاق اولدو داغیما
بیر باخیشین جان وئردی
قوروموش توپراغیما
Yağiş oldu bağıma
Dayaq oldu dağima
Bir baxişin can verdi
Qurumuş toprağıma

قیشدا اؤز آتشین اول
خرمنین،کولَشین اول
لاپ قارانلیق گونلَرده
پارلایان گونَشین اول
Qışda öz atəşin ol
Xırmanın,küləşın ol
Lap Qaranlıq günlərdə
Parlayan günəşin ol

اؤلو،دیرینی ساتیر
خیردا،ایرینی ساتیر
بازار لاپ رؤونق لی دیر
هرکس بیرینی ساتیر
Ölü,dirini satir
Xirda,irini satir
Bazar lap rövnəqlidir
Hərkəs birini satir

خسته دیر،ساغلام اولماز
ماتم دیر،بایرام اولماز
ذاتی پیس اولان آدام
دوزلمَز،آدام اولماز
Xəstədir,sağlam olmaz
Matəmdir,bayram olmaz
Zati pis olan adam
Dülzəlməz,adam olmaz

سن سیز قارادیر اوزوم
یوخدور قراریم، دؤزوم
گل قوجاغیمدا اوتور
ساچلارینا گؤل دوزوم
Sənsiz qaradir üzüm
Yoxdur qərarim,düzüm
Gəl qucağimda otur
Saçlarına gül düzüm

غم،غصّه نی سؤپورَر
دردی یئردَن گؤتورَر
سَن گل منی قوجاغلا
عشق اوز ایشینی گؤرَر
Qəm,qüssəni süpürər
Dərdi yerdən qötürər
Sən gəl məni qucaqla
Eşq öz işini görər

بیرَر بیرَر آپارار
باسیب،ازَر آپارار
هر جور یاپیشان سنی
تورپاق چکر آپارار
Birər birər aparar
Basib əzər aparar
Hər cur yapişsan səni
Torpaq çəkər aparar