مش حسن ودکا! ایچیب
شالوارین ترسه بیچیب
قاب - باجایا عکس ووروب
گلمه میش شهره سیچیب

مش حسن ودکا! ایچیب
شالوارین ترسه بیچیب
قاب - باجایا عکس ووروب
گلمه میش شهره سیچیب

سَنین اولسون دیله ییم

چاییم ، پنیر-چوره ییم

سَندَن دولوب ، آل ساخلا

پارچالانان اوره ییم

اوچوب ،باشیمدان گئتمَز

نیسگیلیم سونا یئتمَز

آج قالسام،سوسوز قالسام

سئودان منی ترک ائتمَز

اوولانیب دوشان کیمین
اودلانیب تیکان کیمین
بو میللت تالان اولوب
سویولموش ایلان کیمین

هر آخشام، سحر آغریر
دونیایا قَدَر آغریر
حالیم یاخشی دیر آمما
کئچمیشیم بَتَر آغریر

بئینیمزدن قوپارماز
شوعورسوزلوق قوتارماز
آخماقلیق،ائششگ لیگی
یاغیش یویوب آپاماز

گؤیلوم چکیب تالانام
کوچه لرَه جالانام
 بیر قاری ائششگ ایله
شهر ایچینده دولانام

کاسیب آدام بنده دیر
اؤلوب آمما زنده دیر
تانرینین درگاهیندا
کیسه بوکس حُکمونده دیر

قورو دور داغ ای یاغیش
سوسوز دور باغ ای یاغیش
دؤرد طرَفدَن اود یاغیر
بیر داملا یاغ ای یاغیش