گول،یارپاغدان یاخشی دیر
داغدان،باغدان یاخشی دیر
یالقیزلیق ائششکلرله
اوتورماغدان یاخشی دیر
gül,yarpağdan yaxşidir
dağdan, bağdan yaxşıdır 
yalqizliq eşşəklərlə
oturmağdan yaxşıdır 

سَن سیز زنجیر بندی دیر
دونیا غم کمندی دیر
هر یئرده اولسام،اورا
حسرتین باشکندی دیر
sensiz zəncir bəndidir
dünya qəmkəməndidir
hər yerdə olsam,ora
həsrətin başkəndidir

آغاج تک بارسیز قالار
قیش اولار،قار سیز قالار
عاییب سیز یار ایسته یَن
دونیادا یار سیز قالار
ağactek barsiz qalar
Qiş olar,qarsiz qalar
eyibsiz yar istəyən
dünyada yarsiz qalar

داماریم،قانیم یاندی
باغیم،بستانیم یاندی
وطنیم اود توتاندا
منیم ده جانیم یاندی
Damarim,qanim yandi
bağim,bostanim yandi
vətənim od tutanda
mənimdə canim yandi

انسانی درده سالار
ایلان تک سیزی چالار
شاد اولمایان اورکده
آجی نین ایزی قالار
insani dərdə salar
ilantek sizi çalar
şad olmayan ürəkdə
acinin izi qalar

سَندن باشقا سئچمَه رَم
آیری یولا کئچمَه رَم
دَرین،توفانلی اولسا
دَنیزدَن واز کئچمَه رَم
səndən başqa seçmərəm
ayri yola keçmərəm
dərin,tufanli olsa
dənizdən vazkeçmərəm

هی فرصتی یاندیرار
پیس عادتی یاندیرار
انسانی جهنّم،یوخ
اؤز غفلتی یاندیرار
hey fürsəti yandirar
pis adəti yandirar
insani cəhənnəm,yox
öz qifləti yandirar
 

اینک،اینک قالاجاق
کؤپک،کؤپک قالاجاق
مین یول دونیایا گلسه
ائششک،ائششک قالاجاق
inək,inək qalacaq
köpək,köpək qalacaq
min yol dünyaya gəlsə
eşşək,eşşək qalacaq

گل بیر آز یئتیش منه
چیریش تک یاپیش منه
شیرین دوداغلاریندان
وئر بیر آز یئمیش منه

gəl biraz yetiş mənə
çiriş tek yapiş mənə
şirin dodaqlarindan
ver beraz yemiş mənə
 

ساغ اول،یاشا دئمَه رَم
باشدان باشا دئمَه رَم
اؤلسَه م دَه،تولکویَه بَئی
ایتَه پاشا دئمه رَم
sağ ol,yaşa demərəm
başdan başa demərəm
ölsəmdə tülküyə bəy
itə paşa demərəm