هر آخشام، سحر آغریر
دونیایا قَدَر آغریر
حالیم یاخشی دیر آمما
کئچمیشیم بَتَر آغریر

بئینیمزدن قوپارماز
شوعورسوزلوق قوتارماز
آخماقلیق،ائششگ لیگی
یاغیش یویوب آپاماز

گؤیلوم چکیب تالانام
کوچه لرَه جالانام
 بیر قاری ائششگ ایله
شهر ایچینده دولانام

کاسیب آدام بنده دیر
اؤلوب آمما زنده دیر
تانرینین درگاهیندا
کیسه بوکس حُکمونده دیر

قورو دور داغ ای یاغیش
سوسوز دور باغ ای یاغیش
دؤرد طرَفدَن اود یاغیر
بیر داملا یاغ ای یاغیش

بوش یولوندا دوراجاق

قلبینده اوتوراجاق

گؤزل گؤزلرینده عشق

بیر گون یووا قوراجاق

هئچ کیم سَن تک اولمادی

آنی لارین سولمادی

دنیز ، داغ کیمین ایدین

گئتدین یئرین دولمادی

‏اؤرَک " دِل" ، بَد "یامان" دیر

شب"گئجَه" ، پَهلو " یان " دیر

میللت :" بیر ساری اینَک "

دوولت:" اینَک ساغان " دیر

ürək"del" ,bəd"yaman" dır 

şəb"gecə" pəhlu" yan dır 

millət :"bir sarı inək"

dövlət" inək sağan" dır

یالانچی‌دا دین اولماز

ات آجی شیرین اولماز

آتا- بابا دئییب‌لر

داش اوسته اکین اولماز