دویغولارین یولو دور
ُسئوگی یاغیب دولو دور
سوسوز، قورو چؤل دئییل
یالقیزلیغیم دولو دور

هم سوسوزام، هم آجام
آیرانام،بولاماجام
یانمیش بویوک مئشه ده
آخیرینجی آغاجام

بو دونیا بوجور بیتَر
آج آدام آجلیق چکر
من دئمیرم مثل دیر
"آج دوغرایار، توخ یئیَر"
Bu dünya bücür bitər
Ac adam açlıq çəkər 
Mən demirəm məsəl dir
Ac doğrayar tox yeyər

توپ قاباغیندا دورار 
بیر یئنی مکتب قورار
سو اولماسا آج آدام
اؤزونو اودا وورار
top qabağinda durarar
Bir yeni məktəb qurar
Su olmasa ac adam
Özünü oda vurar

آتا-آناسی سئومز 
آرواد-اوشاق بَیَنمَز
قوردون آغزینا آتسان 
آج آدامی قورد یئمَز
Ata-anasi sevməz
Arvad-uşaq bəyənməz
Qurdun ağzina atsan
Ac adami qurd yeməz

سوسوز قالدیز سو ایچین
سرین ائدر سو ایچین
میللت قالخار آیاغا
چؤرک ایچین ، سو ایچین

Susu qaldiz su için
Sərin edər su için
Millət qalxar ayağa
Çörək için , su için

راضی دیلار اؤلمَه یَه
هر شئی لرین بؤلمه یَه
قیرخ ایل دیر حسرت قالیب
میللت دئییب، گولمَه یَه
 Razidilar ölməyə
Hər şeylərin bölməyə
qirx ildir hesrət qalib
Millət diyeb- gülməyə

دفترینده نار چکیر
یوخوسوندا یار چکیر
آجلیق بیر لوت اینسان دیر
یوخسوللوغون جار چکیر
dəftərində nar çəkir
yuxusunda yar çəkir
acliq bir lüt insan dir
yosulluqun car çəkir

سیزه دئمَه م آدینی
هئچ کیم بیلمز دادینی
سئومیشم، سئوجه یم
گونش اوزلو قادینی

باتیبلار کثافته
پالچیغا، مین آفته
ایت، قورد یول کسمک ایچین
دوشوبلار رقابته

مش حسن تره وئردی
خلقه بال- کرَه وئردی
ستاد ووردو ، ستاددا
آروادین ارَه وئردی

گوموش، قیزیل، مِس اولوب
قودوق ، پِرَنسِس اولوب
گل گؤر ،هر ائششک آدام
دکتر ، مهندس اولوب

دئمَه کی اوغرو چوخدور
قارین ، گؤزلری توخدور 
هئچ اولکه دَه، هئچ یئردَه
بیر بئله اوغرو یوخدور

بیر ایشچی دیر، داش کَسَر
داشی قورو ، یاش کَسَر
کاندید اولوب بللی دیر
شورا اولسا باش کسَر

کاندید اولوب ، رای آلار
میزین دالیندا قالار
شورا اولاندان سورا
ملتی اله سالار

گلمَه ییب چاپماق ایچین
ایت کیمین قاپماق ایچین
مش حسن شورا اولوب
تک چؤرک تاپماق ایچین