اوچماق چیخیب یادیمدان

درد یاغیر فریادیمدان

بیر توتساق گویرچینم

قان آخیر قانادیمدان

اثرائتمور داوالار

کسرسیزدیر دوعالار

باهالیق گوج گتیرسه

پارتلایاجاق گدالار !

مریضین ویزیت اولماز

یانلیشین ائدیت اولماز
گؤزله گوناه ائیله مه
گوناهین دیلیت اولماز

عزیزیم باغبولاغدیر
عشقین منه دایاقدیر
اوره ییمده سن آمما
یولوم سنه اوزاق دیر

پارادیر باشماقلاری

گؤرسه نیر چاتاقلاری

یوخسول اینسانا اوخشور

پاییزین یارپاقلاری

حرف "سؤز"، گفتن "دئمَک "دیر

ایت " سگ "دیر ،گاو "اینک "دیر

‏میللت بیر گؤزل سۆرۆ

دؤولت یورغون کؤپک‌ دیر

 باغ یاغیشدان دولاندا

بُستان،یارپاق سولاندا

چتین اولماز اوغرولوق

دارغا اوغرو اولاند

لک لکی لک لک دۏغار
میخکی  میخک دۏغار
 کیشی  ائششک اولاندا
آروادی ائششک دۏغار

لاپ محو ائدر طاقتی

اصلا یوخدور حکمتی

نیفرت آغیر بیر یوک دور

داشیمایین نیفرتی

سَن گلینجه تالانیر
زامان آغیر دولانیر
باخیشلارین اوستونه
باخیشلاریم جالانیر