قشون قاطار ائیله دی

آتی ، اوچار ائیله دی 

کمین ووردو مارالا

سیچان شیکار ائیله دی

گؤیدَن یاغان یاغیش دیر

پاییزین آردی قیش دیر

قیزلارا گؤز ائیلمه

آی قوجا بو پیس ایش دیر!

ییقیشد یریب دارا پول !
چکد ین بیزی دارا پول !
وارلی یئییب  پارتلاییر!
یوخسول دا یوخ قارا پول!

باغیندا ایزیم اولار

شوشا،تبریزیم اولار

دوست بیلیر،دوشمن بیلیر

قاراباغ بیزیم اولار

Bağında izim olar

Şuşa Təbrizim olar

Dost bilir, düşmən bilir 

Qarabağ bizim olar

‏مئشه کیمین،باغ کیمین

یاش،قورو یارپاق کیمین

 اود توتوب سَن سیز یانیر

کؤنلوم قاراداغ کیمین

Meşə kimin, bağ kimin

Yaş, quru yarpaq kimin

Od tutub sənsiz, yanır 

Könlüm Qaradağ kimin

لک لکی لک لک دوغار

اینکی اینک دوغار

کیشی ائششک اولاندا

آروادی ائششک دوغار

‏ایسته‌مه غمله گلیم

گؤزوم یاش،نمله گلیم

قوجاغین لاپ قیزیشدیر

بیر اؤپوش دمله گلیم

istəmə qəmlə gəlim

gözüm yaş, nəmlə gəlim

qucağın lap qızışdır

bir öpüş dəmlə gəlim

غم، کدَردَن دولموشوق

یارپاق کیمین سولموشوق

بیر شی باهالاشماییب

بیزلر اوجوز اولموشوق

qəm, kədərdən dolmuşuq

yarpaq kimin solmuşuq

bir şey bahalaşmayıb

bizlər ucuz olmuşuq

سئوگی‌نین دریاسیدیر

یونانین زورباسیدیر

فتح اولونماز اورگیم

بابکین قالاسی دیر. 

sevginin dəryasıdır, 

Yunanın zorbasıdır

fəth olunmaz ürəyim 

babəkin qalasıdır