گؤیدن یاغان یاغیشدیر

پاییزین آردی قیشدیر

قیزلارا گؤز ائیله مه
آی قوجا پیس ایشدیر!

دونیادان آش ولاش گئت

بَربَری گل لاواش گئت!

اوغورلوغا گئدنده

دامدان یاواش یاواش گئت!!

شعله سیز چای اولارمی؟

یارسیز سارای اولارمی؟

ایرانلی اوغرولارا

دونیادا تای اولارمی

دی هانسی یوللاردادیر؟

دوماندادیر؟ قاردادیر؟

کونلوم ناغیل ایسته ییر

قاری ننه هاردادیر ؟

چیلله گئلیب گئدیک دن

سویوق گلیر ائشیک دن

اوز آروادین حاج صفر

اوپور گونده دلیک دن

باغلاییب جانا دیلی

اؤیرَدیب آنا،دیلی 

اؤزگه دیلدَن دیل اولماز

یاشاسین آنادیلی

داغ باشی درین اولماز

قورد آسلان کیمین اولماز

یئل اکَن بوغدا دَرمَز

آجی سو،شیرین اولماز

اوچماق چیخیب یادیمدان

درد یاغیر فریادیمدان

بیر توتساق گؤیرچینم

قان آخیر قانادیمدان