هئچ کیم سَن تک اولمادی

آنی لارین سولمادی

دنیز ، داغ کیمین ایدین

گئتدین یئرین دولمادی

‏اؤرَک " دِل" ، بَد "یامان" دیر

شب"گئجَه" ، پَهلو " یان " دیر

میللت :" بیر ساری اینَک "

دوولت:" اینَک ساغان " دیر

ürək"del" ,bəd"yaman" dır 

şəb"gecə" pəhlu" yan dır 

millət :"bir sarı inək"

dövlət" inək sağan" dır

یالانچی‌دا دین اولماز

ات آجی شیرین اولماز

آتا- بابا دئییب‌لر

داش اوسته اکین اولماز

دئمَه دشمنی ایستیر

یاسی، سونی ایستیر

چوخ آغیر داریخمیشام

اوره ییم سنی ایستیر

گل سؤز ائشیت اولما کَر

یونجالیغدان یونجا دَر

ایسته دیین بهیشت سَه

گؤزوآج شیخی بَئجَر

gəl söz eşit olma kər

yoncaliqdan yinca dər

istədigin behiştsə

gözüac şixi bəcər

توکلری لاپ آغاردی!

شاد گؤنلری قوتاردی!

ائولندی«حاجی حسن»

قورد قوزونو آپاردی!!

ائو- ائشیک ، دام یاندیرار

ائدیب حرام یاندیرار

کیتاب یاندیران آدام

بیر گون آدام یاندیرار

قاپی لاری آچ بیراز

بوردان بوراخ قاچ بیراز

آی اؤزگورلوک ایشیغی

توتساقلارا ساچ بیراز

qapıları aç biraz

burdan burax qaç biraz

ay özgürluk işığı 

tutsaqlara saç biraz

کلاه "بورک"دور ،پاپاق دیر

باش"سَر" ، بچّه " اوشاق " دیر

قانون چولوق ، اؤزگؤرلوک

مین ایل بیزدَن اوزاق دیر

Kolah "börk"dür, "papaq"dır

Baş "sər", bəççə  "uşaq"dır

Qanunçuluq, özgürlük

Min il bizdən uzaqdır