باهالاشیب چؤرکلر

چیرپینیبدیر اؤرکلر

ار-آرواد قهرائدیبلر

بوم بوش قالیب دؤشکلر!

داش"سنگ"اولار، پا"آیاق"

دال"عقب"، جلو"قاباق"

‏دؤولت تؤکۆر قبیره

میللتی قالاق قالاق

او گئجه شهر ایچِندَه       

غرق اولدون قهرایچِنده

دئدیم:«گؤزَل مارا لیم!   

عسل سن،زهر ایچِندَه»!

دئدیم ، یاز بیزدَن سورا
آزاولمازبیزدَن سورا
بو میللت ائششکلیگی
بوراخمازبیزدَن سورا

طلاغدان آغلامازلار

گؤزلری داغلامازلار

ار-آروادی بیربیره

طنابلا باغلامازلار!!

باغِ گل"چیچک لیک"دیر

یاش"سن"سوراخ"دلیک"دیر

دوداغین"گیلاس باغی"

قوجاغین" دار بئشیک" دیر

قارداش قارداشا چاتدی

اللری  داشا چاتدی

دده مالی اوستونده

قارداشلیق باشا چاتدی

بو داغین باشی سَن سَن

قایاسی،داشی سن سن

بو دونیا بیر گوزل دیر

گوز،دوداق،قاشی سن سن

سئومک بوردا یاساق دیر

سن سیز دونیام دوستاق دیر

بیر عوموردور اللریم

اللریندن اوزاق دیر

نه ساچین وار نه گؤزون

نه قوجاغین،نه سؤزون
غملر توتوب کؤنلومو
گئجه مى ساریب حوزون