ماست"یوغورد"،نان"چؤرَک"دیر

آب"سو" دیر،دوز" نمک" دیر

هر کیمسه دَه بیر ایش وار

ایشیم سنی سئومَک دیر

یاش گؤزلریم قارالیر

تئللریمی قار آلیر
آرواد اوشاق یانیندا
هرگون اوزوم قارالیر

سلام اولسون سوغانلارا

قاری آرواد بوغانلارا!

موبارک اولسون یئنی ایل

کار "ایش " ، زحمت "اَمَک " دیر
مار "ایلان " ، گاو "اینَک "دیر
شیخین یئمَه یی شیشلیک
دئییل ،یاوان چؤرَک دیر

میللتی سالیب دَردَه

اؤلکه یَه چکیب نردَه
دولت میللته دَردی،
گؤستَریر پَرده پَرده

منیم عاشیغام پنیره

چوره کچی یه،دبیره

عشقین خمیرکیمین دیر

باتوب الیم خمیره!!

شیخ ایستیر گوزل اولسون

باش،آیاق،گوز،ال اولسون

آللاها رشوت وئریر

صاباحی گوزل اولسون

اوچماق چیخیب یادیمدان

درد یاغیر فریادیمدان

بیر توتساق گویرچینم

قان آخیر قانادیمدان

اثرائتمور داوالار

کسرسیزدیر دوعالار

باهالیق گوج گتیرسه

پارتلایاجاق گدالار !

مریضین ویزیت اولماز

یانلیشین ائدیت اولماز
گؤزله گوناه ائیله مه
گوناهین دیلیت اولماز