یئره دگدین آی دئمه !

خیابانا زای دئمه !

قیمتلری گؤزنده

آغلاما ،آخ – وای دئمه !!

قشون قاطار ائیله دی

آتی ، اوچار ائیله دی 

کمین ووردو مارالا

سیچان شیکار ائیله دی

سن گئدینجه ایتدی شعر

لاپ محو اولدو،گئتدی شعر

گؤزومده یاش قورودو

قلم دوشدو،بیتدی شعر

موم اولدوم،خمیر کیمین
اییلدیم دمیر کیمین
سن سیز گؤزلریم اولوب
قوروموش کویر کیمین

گؤیدَن یاغان یاغیش دیر

پاییزین آردی قیش دیر

قیزلارا گؤز ائیلمه

آی قوجا بو پیس ایش دیر!

‏عشقین باشیندا تاجدیر

بیر آلاقورددور،آج دیر

سنین سئوگین ایچیمده

باش قالدیران آغاج دیر

eşqin başında tacdır 

bir ala qurddur,acdır 

sənin sevgin içimdə

baş qaldıran ağacdır

ییقیشد یریب دارا پول !
چکد ین بیزی دارا پول !
وارلی یئییب  پارتلاییر!
یوخسول دا یوخ قارا پول!

باغیندا ایزیم اولار

شوشا،تبریزیم اولار

دوست بیلیر،دوشمن بیلیر

قاراباغ بیزیم اولار

Bağında izim olar

Şuşa Təbrizim olar

Dost bilir, düşmən bilir 

Qarabağ bizim olar

‏مئشه کیمین،باغ کیمین

یاش،قورو یارپاق کیمین

 اود توتوب سَن سیز یانیر

کؤنلوم قاراداغ کیمین

Meşə kimin, bağ kimin

Yaş, quru yarpaq kimin

Od tutub sənsiz, yanır 

Könlüm Qaradağ kimin