گؤزللیک کفن گئییر

کرونا قبیر قازیر

اجل اؤلو داشییر

 عاشق اولدو خالینا

یککه،اوزون شالینا

آروادا خوش کئچیر یا

ائششگین خوش حالینا؟

ایت اولسا هوره بیلمَز

ائششگی سورَه بیلمَز

گؤزو آج،آلچاق آدام

هئچ کیمی گؤرَه بیلمَز

بیر اتک گول دَرمیشه م
دریب یئله وئرمیشه م
سن سیز یاش حسرتیمى
گؤزلریمه سَرمیشه 

آغ ائششک ده پالان وار !

پالانینی آلان وار !

آغ ساققالین دیلینده
قالاق قالاق یالان وار  !

یا پیشمیشام من سنه !
دیر وئریبسن منه !
بیلیر سن ای سیا ست !
سن اینک سن،من کنه!!

یئره دگدین آی دئمه !

خیابانا زای دئمه !

قیمتلری گؤزنده

آغلاما ،آخ – وای دئمه !!

قشون قاطار ائیله دی

آتی ، اوچار ائیله دی 

کمین ووردو مارالا

سیچان شیکار ائیله دی

سن گئدینجه ایتدی شعر

لاپ محو اولدو،گئتدی شعر

گؤزومده یاش قورودو

قلم دوشدو،بیتدی شعر