یارمنه باخدی گئتدی !
گؤز یاشیم آخدی گئتدی !
ساغ گؤزومه کوچه ده
بارماغین تاخدی گئتدی

مرد " کیشی " ، " آرواد " زن دیر

معلم " اؤیرتمَن " دیر

میللت اؤلوب، اَینینده

پالتار دئییل، کفن دیر

mərd "kişi " arvad"zən "dir

moəllim "öyrətmən "dir

millət ölüb , əynində

paltar dəyil ,kəfəndir

دَگیشیکلیک " انقلاب " دیر

تَه " دیب " دیر ، " ایپ " طناب دیر

آجیندان اولون آمما

اوروج توتون ثواب دیر

سَن سیز بیتیب طاقتیم

یاتیب بختیم ، ساعتیم

یئرلَشمَز هئچ کلمَه دَه

سَنَه اولان حسرتیم

sənsiz bitib taqətim

yatib bəxtim , saətim

yerləşməz heç kelemədə

sənə olan həsrətim

نان " چورَک " دور ، آب " سو " دور

ایشیق لیق، ایشیق " سو " دور

صحبت کردن :دانیشماق

سوسماغین قوخوسودور

اولماماغین چوخ آغیر

حیاتیم کئچیر آغیر

سَن یوخسان ، اؤرَییمدَه

آغیر ، آغیر قار یاغیر

olmamagin çox Ağir

Həyatim keçir Ağir

sən yoxsan , yörəyimde

ağir ağir Qar Yağir

ماه " آی " ، سوراخ "دَلیک " دیر

روزنامه "گونده لیک " دیر

انسان یازیق بیر سیچان

اؤلوم قاراپیشیک دیر

mah "ay ",surax "dəlik "dir

ruznamə "gündəlik "dir

insan  yaziq bir siçan

ölüm " qara pişik "dir " 

یاش گؤزلریم قارالیر

تئللریمی قار آلیر

آرواد-اوشاق یانیندا

هر گون اوزوم قارالیر

یاشیل یانیر چیراغی

آت کیمین دیر الاغی!

ماوی ،گؤزل گؤزلری

خاطیره لر دوراغی!