یاتمیشام آمما اویانا بیلمیرَم

دؤزیولو،دؤز رسمی قانا بیلمیرَم

ائیله میشَم یوزمیلیار اختلاس

آخ! نَه دَن دیر اوتانا بیلمیرَم ؟

دوشدو دولو باشیما هی پول یاغیر

بیر چالادا دالدالانا بیلمیرَم !

قوزامیشام سئل گئتیرَن پوللاری

آمبارین آلتیندا سانا بیلمیرَم !

عقد ائدیرم قحبه، دول آروادلاری

قیزلارین عشقیندَه یانا بیلمیرَم !

من گئدیرَم «روسیه» دَه کئف چکیم

یوخسول آدام گلدی جانا؟بیلمیرَم

ایستَه ییرم «رَم»،«کانادا»یا گئدیم

پیس دی بو کشور دایانا بیلمیرَم

مملکتین یوللاری لاپ اگری دی

داغلاری داغ دی دولانا بیلمیرَم

ایشلری ناقص دی، یالان سؤزلری

دؤندو بو میللت یالانا؟بیلمیرَم !

قورخوجو،سون سوزدو قارانلیقللارا

باز ایشیق ؟ آی جالانا؟بیلمیرَم !

قحبه فلک قدریمیزی بیلمَه دی

ائششگی ساتدی پالانا؟بیلمیرَم

هرکیم ایستیر اؤزۆنۆ سرور ایّام ائله سین

باشلارا شیره یاخیب،خلقی گرک خام ائله سین

عاشیق،  میز و مقامات بیزه ثابت اولوب

گرچه کافردی گرک دعوی اسلام ائله سین

آدام اۏلماز، حَجَه تشریف آپاران ائششک آدام

کعبه دَه سجده و مین یۏل اگر احرام ائله سین

ایسته سَه عارف دۏران اۏلا هر کیم شک یوخ

دَله ایتلر کیمی نفسینی گرک رام ائله سین

منتقد کیم دی؟:بیرآلچاق بۏی آدام کی ایستر

شاعری خلقین ایچینده بد و بدنام ائله سین

دوزآدام واجب اولوب بانکاگئدیب،اوغرولارا

باش اَییب،رۆشوه وئریب،هی طلب وام ائله سین

بینوا شیشه چکیر،باده ایچیر شاعیریمیز

تاکی بیرثانیه ترک غم ایام ائله سین

می روم ازخانه بیرون،هست بیردریا قودوق

چون به صحرامی روم،هرجانب صحرا قودوق!

تاهوای کندیمیز آلوده هرگز اولماسا
من ایش اوسته میروم هرصبح و آخشام با قودوق!

چون قودوق چاتدی مقاما گول آپاردیم یانینا
سویله دیم تبریکلر باخنده بر آقا قودوق!

چونکو پالانی قیزیلدان اولدو جفتکلر  آتیب!
می فروشد فخرها هی بیزلره هرجا قودوق!

گئتدی مین یول مکه یَه پیس ایشلری ترک ائتمه دی
مکه دَن برگشت و انسان اولمادی آمما قودوق!

از قودوق عمری بگویم قابل توصیف نیست
عومروموز فانی دیر و بو دونیادا پایا قودوق!

مبلغی آزدیر ولی هرگون گئدیر وام آلماغا
ترک ائدر ائولنمگی یا می شود بابا قودوق؟!

مست اولاردی هم سوسیس ،ساری ،قارا نوشابه دن
چون یئدی کالباس اولدو ناخوش و نازا قو دوق!

هم سمند و هم پرایدو،هم پژو،هم زانتیا
هست اینجا کیفیت سیز مثل آن مزدا قودوق

دونیایا سیچن کشور،بللی دی کی چین باشد

یک نکته از این دفتر گفتیم و همین باشد

آغزین سیکیلن گوندَه،آنقیرما و شوکور ائیله !

شاید که چو وا بینی خیر تو در این باشد !

هر کس نکند فهمی بیر ذرّه سیاست دَن

لایق دی قودوق،ائششک،زنبور و چیبین باشد !

بیزلر چکیریک آغری،شیخین کئفی ساز اولسون!

در دایره قسمت اوضاع چنین باشد !

بو میللت آدام اولماز،تا بوده همین بوده

بیزلر اوله ریک آمما اوضاع همین باشد !

راحت یاشاماق اولماز او اولکه دَه،جایی که

اینسانلاری بیر اولسا،ائششکلری مین باشد !

پول اولسا گیره جک سَن،هی جنّت ماوایا!

پول اولماسا آروادین سوزلری سرین باشد !

بو یاخچی سوزو اورگش چوخ خوش دور اگر دایم

مینیچی لیک:آروادین،میندیرمَک ارین باشد

بیر گون گله جک بوردا توی دان خبر اولماز هئچ

ائولنمک و سیکتیرمک، بی پول و کبین باشد

موحتاج تخصص دور،تشخیص وئره بیلمَم من

وقتی که کوپک اوغلو سجّاده نشین باشد

تشویق ائله،هی سویله: ساغ اول کیشی ، موتشککر

زیراکه « کل اوغلانین» اشعاری درین باشد !

نییه بواتفاق شوم دوشدو

نییه قازماق باداگئتدی قازان دان؟

خروزلاریوخلاییبلارکندیمیزده

نییه قارداش خبریوخدوراذان دان ؟

نییه میللت اولوب اوغرو،یالانچی

نییه یاددان چیخیب صلح وصداقت؟

نییه یالقیزدیلار دایم ار-آرواد؟

نییه افسانه دی عشق ومحبت ؟

نییه دونیادا بیرمجنون تاپیلمیر؟

نییه عاشق ده اصلا درد وغم یوخ ؟

نییه لیلی گورونموردوره میزده

نییه افسانه دی اصلی،کرم یوخ ؟

گونش چیخدی،گئنه ایستی اوجالدی

گئنه سئومک دن ای جان ائیله صحبت

اکینجی لراکیربوغدا گئنه سن

محبت اک،محبت اک،محبت

قهر ائدیب پیر و جوانا اهرین زلزله سی 

عالمی گئتدی فغانا اهرین زلزله سی

"ورزقان" شهرینی ییخدی؛هریسی ائتدی وئران 

یئنه قاتدی قانی قانا اهرین زلزله سی 

اولدوروب کؤرپَه نی،آغ ساققالی؛آغ بیرچگی دَه

باخمادی خانَه؛چوبانا اهرین زلزله سی 

توکدو یارپاق کیمی اینسانلاری ظولمیله یئره

اوخشادی باد خزانا اهرین زلزله سی

مردمین کونلونو یاندیردی؛یامان ائتدی کباب

اود ویران واختدا تیکانا اهرین زلزله سی

تازه دامادیله،تازه گلینی اؤلدوردو 

قوجانی سالدی زیانا اهرین زلزله سی

باخمادی فقره،اوروج آغزا،ساری رخسارا

شب قدره،رمضانا،اهرین زلزله سی

کیمسه سیز خلقین ائوین ییخدی؛داغیتدی کؤکدَن

ویردی اود خورد و کلانا  اهرین زلزله سی

پایه سیز ائولری دیوانه فلک ویردی یئره

گوجونو قویدو کمانا اهرین زلزله سی 

قیزلارین یاخشی تخیّوللاری،رؤیالارینی

دؤندریب گؤرنه یامانا اهرین زلزله سی !!

من کی تصویر ائده بیلمم بو یامان فاجعه نی

وصفی گلمز کی بیانا  اهرین زلزله سی 

اردبیل شهرینی؛گیلانی تکان وئردی تمام

گلدی قزوین؛همدانا  اهرین زلزله سی

یئنه بو زلزله بش گؤنده چیخار یادلاردان

کئشکه مسئوللار اویانا....اهرین زلزله سی

بولوددان قار گلمَه دی

آغاجدان نار گلمَه دی

گؤزوم قالدی یولوندا

یوخوما یار گلمَه دی

سئوگی‌نین دریاسیدیر

یونانین زورباسیدیر

فتح اولونماز اورگیم

بابکین قالاسی دیر. 

sevginin dəryasıdır, 

Yunanın zorbasıdır

fəth olunmaz ürəyim 

babəkin qalasıdır

یاندیر ای«حاجی حسن» درد،اختلاسی ریشه دن 

یانماسا چوخ گؤزله« قانون اساسی»ریشه دن

وئرمَه سَن بیر آن آمان بو مملکت ده«بید» لره

داش اوره گ اول،سال آیاغ آلتیندا«ساسی»ریشه دن

قوی بیرآز راحت دولانسین آی کیشی ارکک – دیشی

سالما آمما کؤینگی،شورتو،لباسی ریشه دن

گر یئرینده من اولام خوار ائیله رم یالتاقلاری

بمبیلان محوائیله رم تئز التماسی ریشه دن

گؤزله سو قطع اولماسین ساحیلده،یانقین دریادا 

یانماسین بیر دفعه «غسل ارتماسی»ریشه دن

بو اِئوه اوغرو گلیب،دوت بوغ،بو تولکو اوغرونو

چون آپاردی خالچانی،یاسدیق،پلاسی ریشه دن