هئچ فیکر ائله مَز،علم و ساوادی چوخدور
یونجاسی،سامانی،هامی زادی چوخدور
بیر کیمسَه دئدی : خطرلی اینسان کیمیدیر ؟ 
او ائششک آدام کی اعتقادی چوخدور
heç fikr eləməz,elm o savadi çoxdur
yoncasi,samani,hamizadi çoxdur
bir kimsə dedi:xətərli insan kimdir?
O eşşək adam ki etiqadi çoxdur

هرکیم ایستیر اؤزۆنۆ سرور ایّام ائله سین

باشلارا شیره یاخیب،خلقی گرک خام ائله سین

عاشیق،  میز و مقامات بیزه ثابت اولوب

گرچه کافردی گرک دعوی اسلام ائله سین

آدام اۏلماز، حَجَه تشریف آپاران ائششک آدام

کعبه دَه سجده و مین یۏل اگر احرام ائله سین

ایسته سَه عارف دۏران اۏلا هر کیم شک یوخ

دَله ایتلر کیمی نفسینی گرک رام ائله سین

منتقد کیم دی؟:بیرآلچاق بۏی آدام کی ایستر

شاعری خلقین ایچینده بد و بدنام ائله سین

دوزآدام واجب اولوب بانکاگئدیب،اوغرولارا

باش اَییب،رۆشوه وئریب،هی طلب وام ائله سین

بینوا شیشه چکیر،باده ایچیر شاعیریمیز

تاکی بیرثانیه ترک غم ایام ائله سین

ییخدیم  یئره خرمن دَه «مَشَه قوربان » را

چکدیم باشینا بورک و جیریق تومان را

ووردوم شاپالاق، دئدیم کی:ای ائششک آدام

« گر مِی نخوری طعنه مزن مستان را»