گر حافظ سئویر«حاجی قوامی»
سئویر قزوینلی ده «حاجی غلامی »!
اداره یاخشی یئردیر،اورداگؤردوم
رئیس و منشی و نوکر حرامی !
گئچن ایل شیخیمیز آلدی«پری» نی !
یئنی ایلده آلیب قونشو «تمامی»!
دؤنن گؤردوم کی بیر بیچاره انسان
سحردن آختاریر آشغالدا،شامی !
دئمه کی گؤرموشم،حسّ ائتمیشم من
همیشه گؤسته ره ر پول احترامی !
گل آرواد آل ، سوبای قالما ،جاوندان !
بوسؤزلرله بوتون آل انتقامی !
منیم شعردئییل گوجلو ،ولیکن
دئیرلرکی سنه چاتماز «نظامی »!!
«رضائی»چوخ گوزل انسان دیر آمما
بو آلچاق شعری تک یوخدور دوامی !!