آدام نه دیر ؟ اودون دور
بیر ساللاقلیق قویون دور
داوام سیز زندگانلیق
بیر مسخره اویون دور
adam nədir odundur
bir sallaqliq qoyundur
davamsiz zendəganliq
bir məsxərə oyundur

اوره ییم لیمانین دیر
گؤزلریم حیرانین دیر
دونیانین گؤزل یئری
سنین قلبین،یانین دیر
ürəyim limanindir
gözlərim heyranindir
dünyanin gözəl yeri
sənin qəlbin,yanindir

اوزاق یوخ،یانیمدادیر
قلبیمده،قانیمدادیر
جانیمی یاخانلارین
هامیسی جانیمدادیر
uzaq yox,yanimdadir
qəlbimdə,qanimdadir
canimi yaxanlarin
hamisi canimdadir

قودوق،ائششک،آت ایچین
بیر پارا،مانات ایچین
اینسان درد،عذاب چکیر
موتلو بیر حیات ایچین
qoduq,eşsək,at için
bir para,manat için
insan dərd,əzab çəkir
mutlu bir həyat için

سو ایچمَه هر بولاغدان
گؤل دَرمَه هر یاناغدان
داغدان دوش، دَره دَه اؤل
آسلانما هر بوداغدان
su içmə hər bulaqdan
gül dərmə hər yanaqdan
dağdan düş dərədə öl
aslanma hər budaqdan

گؤزوم قالیب دیر سنده
سئویرَم سَنی منده
دونیا گؤزومدَن دوشدو
سَنَه گؤزوم دوشندَه
gözüm qalibdir səndə
sevirəm səni məndə
dünya gözümdən düsdü
sənə gözüm düşəndə

یوخدور آغلایانیمیز
قورد اولوب،چوبانیمیز
بیزلر بیر اسیریک کی
اؤلوب زیندانبانیمیز
yoxdur ağlayanimiz
qurd olub çobanimiz 
bizlər bir əsirik ki
ölüb zindanbanımız

حیوانا بَشَر دئیَر
یاتماغا،هنَر دئیَر
اوچماغی بیلمَه یَن قوش
قَفَسَه قَدَر دئیَر

heyvana,bəşər deyər
yatmağa,hünər deyər
uçmaği bilməyən Quş
Qəfəsə qədər deyər

قیمتی باها اولوب 
صاحب اشتها اولوب
میللتین بئینینی شیخ
یئییب اژدها اولوب
qiyməti baha olub
sahib iştaha olub
millətin bəynnini şeyx
yeib ejderha olub

قَدَری،سوزو زور دور
مئهمان خاناسی گور دور
آغی قارادان سئچمَز
فلکین گوزو کور دور
qədəri,sözü zordur
mehmanxanasi gordur
aği qaradan seçməz
fələkin gözü kordur