شرابی،جامی یوخدور
سحر،آخشامی یوخدور
سئوگی سیز یاشاماغین
هئچ بیر آنلامی یوخدور
Şərabi,cami yoxdur
Səhər,axşamı yoxdur
Sevgisiz yaşamağın
Heç bir anlamı yoxdur

یئل اَسَر بیزدن سورا
قیش کَسَر بیزدَن سورا
اجل داش،پامبیق ایله
باش کَسَر بیزدن سورا
Yel əsər bizdən sora
Qış kəsər bizdən sora
Əcəl daş, pambıq ilə
Baş kəsər bizdən sora

یوخ یازار مندن سورا
شاد،یا زار مندن سورا
گؤزلرین غزلینی
کیم یازار مندن سورا؟
Yox yazar məndən sora
Şad, ya zar məmdən Sora
Gözlərin qəzəlini
Kim yazar məndən sora ?

اوزگونم عاشیق کیمین
یالنیزام قاییق کیمین
بو دونیادا قالمیشام
بیر اسیر بالیق کیمین
üzgünəm aşiq kimin
Yalnızam qaeiq kimin
Bu dünyada qalmişam
Bir əsir baliq kimin

باغی،بولاغی یوخدور
دَرَه سی،داغی یوخدور
بوگونلر سَن سیزلیگین
اوجو-بوجاغی یوخدور
Baği,bulaği yoxdur
Dərəsi,daği yoxdur
Bugünlər sənsizliğin
Ucu-bucaği yoxdur

بو سؤز یول دور،یولاق دیر
آداملارا دایاق دیر
ائششکلیک: کیف ائله مَک
آنلاماق،آغلاماق دیر
Bu söz yoldur,yolqdir
Adamlara dayaqdir
Eşşəklik:kef eləmək
Anlamaq,ağlamaqdir

سحر یوخودان دوردوم
خارجَه قاچماق ایچین
بیر گؤزَل،یئنی قاپی
اوزومه آچماق ایچین

گؤردوم اَل چَکَه بیلمَم
ائویمدَن،وَطنیمدَن
وطنین عشقی چیخماز
روحومدان،بَدنیمدَن

آلداتدیم هی اؤزومو
دئدیم آزادلیق گَلر
بیرگون بیزیم اولکه یَه
راحاتلیق،شادلیق گَلر

درد،آجی، عذاب چَکیب
عؤمور بویو یورودوم
یورغون،پوزغون وطن دَه
قالدیم،اؤلدوم،چورودوم
Səhər yuxudan durdum
Xaricə qaçmaq için
Bir gözəl,yeni qapi
Üzümə açmaq için

Gördüm əl çəkə bilməm
Evimdən,vətənimdən
Vətənin eşqi çıxmaz
Ruhumdan,bədənimdən

Aldatdim hı özümü
Dedim azadliq gələr
Bir gün bizim ölkəyə
Rahatlıq,şadliq gələr

Dərd,acı,əzab çəkib
Ömür büyü yürüdüm
Yorğun,pozğun vətəndə
Qaldim,öldüm,çürüdüm

قیشدا اؤز آتشین اول
خرمنین،کولَشین اول
لاپ قارانلیق گونلَرده
پارلایان گونَشین اول
Qışda öz atəşin ol
Xırmanın,küləşın ol
Lap Qaranlıq günlərdə
Parlayan günəşin ol

اؤلو،دیرینی ساتیر
خیردا،ایرینی ساتیر
بازار لاپ رؤونق لی دیر
هرکس بیرینی ساتیر
Ölü,dirini satir
Xirda,irini satir
Bazar lap rövnəqlidir
Hərkəs birini satir

خسته دیر،ساغلام اولماز
ماتم دیر،بایرام اولماز
ذاتی پیس اولان آدام
دوزلمَز،آدام اولماز
Xəstədir,sağlam olmaz
Matəmdir,bayram olmaz
Zati pis olan adam
Dülzəlməz,adam olmaz