ایشسیز آدام ایش ایستر
دیشسیز آدام،دیش ایستر 
شهرین موللاسی اؤلوم
اکینچی یاغیش ایستر
işsiz adam iş istər
dişsiz adam diş istər
şəhərin mollasi ölüm
əkinçi yağiş istər

هئچ فیکر ائله مَز،علم و ساوادی چوخدور
یونجاسی،سامانی،هامی زادی چوخدور
بیر کیمسَه دئدی : خطرلی اینسان کیمیدیر ؟ 
او ائششک آدام کی اعتقادی چوخدور
heç fikr eləməz,elm o savadi çoxdur
yoncasi,samani,hamizadi çoxdur
bir kimsə dedi:xətərli insan kimdir?
O eşşək adam ki etiqadi çoxdur

گؤزوم قالیب دیر سنده
سئویرَم سَنی منده
دونیا گؤزومدَن دوشدو
سَنَه گؤزوم دوشندَه
gözüm qalibdir səndə
sevirəm səni məndə
dünya gözümdən düsdü
sənə gözüm düşəndə

یوخدور آغلایانیمیز
قورد اولوب،چوبانیمیز
بیزلر بیر اسیریک کی
اؤلوب زیندانبانیمیز
yoxdur ağlayanimiz
qurd olub çobanimiz 
bizlər bir əsirik ki
ölüb zindanbanımız

کیم دئییب دایاق اولار
گوز،آغیز،قولاق اولار ؟
گوز ده اولمایان آدام
کونول دن اوزاق اولار
kim deyib dayaq olar 
göz,ağız qulaq olar
gözdə olmayan adam 
könüldən uzaq olar

گئت لذّت آپار باهاردا داغدان ،باغدان
ویسکی و  شراب ایچ قدَح، بارداغدان
ای ائششک آدام ! قیزیل دئیل سن، کی سنی
تورپاغا سوخوب چیخاردالار تورپاغدان

get ləzzet apar baharda dağdan,bağdan
Viski və şarabı iç qədəh,bardağdan
ey eşşək adam qizil dəeylsən,ki səni
torpağa sorub,çıkardalar torpağdan

حیوانا بَشَر دئیَر
یاتماغا،هنَر دئیَر
اوچماغی بیلمَه یَن قوش
قَفَسَه قَدَر دئیَر

heyvana,bəşər deyər
yatmağa,hünər deyər
uçmaği bilməyən Quş
Qəfəsə qədər deyər

کیم دئییر یارپاق اولماز؟
باغ،بولاق،اوتلاق اولماز ؟ 
آدام اولندن سورا
اوت،آغاج،تورپاق اولماز ؟
kim deyir yarpaq olmaz
bağ,bulaq,otlaq olmaz
adam öləndən sora
ot,ağac,torpaq olmaz

قیمتی باها اولوب 
صاحب اشتها اولوب
میللتین بئینینی شیخ
یئییب اژدها اولوب
qiyməti baha olub
sahib iştaha olub
millətin bəynnini şeyx
yeib ejderha olub

قَدَری،سوزو زور دور
مئهمان خاناسی گور دور
آغی قارادان سئچمَز
فلکین گوزو کور دور
qədəri,sözü zordur
mehmanxanasi gordur
aği qaradan seçməz
fələkin gözü kordur