آجی لار شیرین اولار
داشلیق یئر،اکین اولار
ائششک، آت-چیرکین، گوزل
تانری ایسته سین اولار

بُز بیزیم دیلده «کئچی»دیر،«تکه»دیر، «اوغلاق» است
کفش« باشماق» و زبان«دیل» و ناخن «دیرناق» است

آدم جاهل و خر« اششک آدام»،« لاپ باشی بوش»
اونا احمق دئمه سن چونکو دوزو «آخماق» است

بیر قبیر داشینین اؤستونده یازیلمیشدی بو سؤز
آخرین منزل هر «آج گؤز آدام»« تورپاق» است

هست اون درصد ایرانلی جماعت وارلی
مابقی چاره سیز و آج و سوسوز، چیلپاق است

باجیسی قحبه آدام چاتسا مقاما هر گؤن
میللته هر نه حواله وئره جاق «داششاق» است

زندگانلیق کی یاپیشمیر بیزه، اؤز گؤسترمیر
قوجا آرواد قوجاغى تک، سویوق و بوزلاق است

ای دموکراسی سنی گؤزله ییریک، چوخداندیر
یولدا قالمیش گؤزوموز لاپ کؤر اولوب،«ایسلاق» است

ای غم و غصه بیزی ترک ائله، گم شو، سیکتیر
گئت اونون یانینا کی بوش بئیین و قورخاق است

هر قدَر گؤجلو، چوخ اوغلان اولا اینسان اوغلو
اؤلومین آدی گلینجه ایشی اوستورماق است

سس سیز دیر داد ائیله مز
آه و فریاد ائیله مز
آجی چکن آدامی
هئچ بیر شی شاد ائیله مز

ظولمت دی، قارانلیق دی، سحر،صبح اولماز
صوبحین باشینی غصّه کَسَر،صبح اولماز
بوز باغلایاجاق گؤزوم، حیاتیم،گونشیم
حسرت دولو سن سیز گئجه لر صبح اولماز

پول وئرمیر، موفته ایستیر
چک وئرمیر، سفته ایستیر
آرواد دئییردی: اریم
ات آلمیر کوفته ایستیر

سن سیز چای شیرین اولماز
هئچ بیر شی درین اولماز
قیش دیر آمما قوجاغیم
سن اولسان سرین اولماز
Sən siz çay şirin olmaz
Heç bir şey dərin olmaz
Qiş dir amaa qucağim
Sən olsan sərin olmaz

معنالی، درین اولماز
یاییندا، بیچین اولماز
درد چکمه ین شاعرین
سؤزلری شیرین اولماز

حوزونلو اولما دئدی
آغلا،یورولما دئدی
یار منی بوداغیمدان
قوپاردی،سولما دئدی
Hüzünlü olma dedi
Ağla yorulma dedi
Yar məni budaqımdan
Qobardi,solma dedi

دوست، دشمنی اؤلدورر
باش بیلنی اؤلدورر
وارلیغین آغیرلیغی
بیر گؤن منی اؤلدورر
Dost, düşməni öldürər
Baş biləni öldüər
Varlığın ağırlığı
Bir gün məni öldürər

قویما غم بیزی چالسین
سئودا گؤلو سارالسین
قاییت گل قوجاغیما
قوی دونیا گؤزل قالسین
Qoyma qəm bizi çalsin
Sevda gülü saralsin
Qayet gel qucağima
Qoy dünya gözəl qalsin