بیر سؤز دئمه،چوخ دَرین دی،یوزمین سؤز دور
هر کیم بویوروب،گؤزل دی،شیرین سؤز دور
پیس سؤز ائشیدنده،من اؤلوم غصّه یئمَه
آلچاق آدامین سیلاحی چیرکین سؤز دور

بیر سؤز دئمه،چوخ دَرین دی،یوزمین سؤز دور
هر کیم بویوروب،گؤزل دی،شیرین سؤز دور
پیس سؤز ائشیدنده،من اؤلوم غصّه یئمَه
آلچاق آدامین سیلاحی چیرکین سؤز دور

اوغلان،کیشی،آروادی،قیزی سیندیرماز
باشی، اوره یی، قیچی،دیزی سیندیرماز
  دشمنلره دی ثابت اولوب دور دردی
بیز سیندیراریق،درد بیزی سیندماز

ایرانلی آدام گوناه دان ال چَکمَز
اولماز آدام  ایشتباهدان ال چَکمَز
مین یول اؤلسَه،دیریلسَه اؤزگور یاشاماز
معتاددی،شیخ و شاه دان ال چَکمَز

کوت ائششگی تحصیل دمکرات ائله مَز
هم ائششک آدام ترک خرافات ائله مَز
مدح ائیله مَه ائششگلیغی چون هئچ ائششک
 ائششگلیینه فخر و مباهات ائله مز

جنّت اورادیر که آه و ماتم یوخدور
ساقیّ و شراب چوخدور و غم یوخدور
باور ائلمَه پوچ و یالان وعده لری
بوردان سورا هئچ یئرده جهنّم یوخدور

cənnət oradır ki ah o matəm yoxdur
saqi o şərab çoxdur o qəm yoxdur 
bavər eləmə puç o yalan vədələri
burdan sora heç yerdə cəhənnəm yoxdur

بیر سؤز دئییرَم کی اوندا صحبت یوخدور
جاهیل اولاسان،سن ده فضیلت یوخدور
اؤرگن بو سؤزو، قولاغینا سیرغا ائله
نادانلیغدان بویوک مصیبت یوخدور
bir söz deiyrəm ki onda söhbət yoxdur
cahil olasan,səndə fazilət yoxdur
örgən bu sözü,Qulağina sırğa elə
nadanliğdan büyük müsibət yoxdur

هئچ فیکر ائله مَز،علم و ساوادی چوخدور
یونجاسی،سامانی،هامی زادی چوخدور
بیر کیمسَه دئدی : خطرلی اینسان کیمیدیر ؟ 
او ائششک آدام کی اعتقادی چوخدور
heç fikr eləməz,elm o savadi çoxdur
yoncasi,samani,hamizadi çoxdur
bir kimsə dedi:xətərli insan kimdir?
O eşşək adam ki etiqadi çoxdur

گئت لذّت آپار باهاردا داغدان ،باغدان
ویسکی و  شراب ایچ قدَح، بارداغدان
ای ائششک آدام ! قیزیل دئیل سن، کی سنی
تورپاغا سوخوب چیخاردالار تورپاغدان

get ləzzet apar baharda dağdan,bağdan
Viski və şarabı iç qədəh,bardağdan
ey eşşək adam qizil dəeylsən,ki səni
torpağa sorub,çıkardalar torpağdan

دونیانی گره ک عاقل آدام کم توتسون 
ُسئوگیلی آلیب قوجاغا محکم توتسون 
چوخ بیلمیش آدام جام شرابین بئلینی
محکم توتا قویماز اوره یین غم توتسون