اله آلدیم قلمی تا منه عزّت گئتیره
بیلمه‌دیم درد و عذاب و غم و ذلت گتیره !
چونکی خائن دئییلم چوخلو چتین دیر یاشاماق
قلمی ساتمامیشام تا منه ثروت گئتیره !
انتقاد ائتمک ایله آرتیق اولوب دشمن‌لر
کیم دئییب‌دیر قلم اؤز اهلینه دولت گئتیره؟!
یازمایام تا که اونون عیبینی، زاهد گئتدی
آغزیمی باغلاماغا،حوری جنّت گئتیره !!
ملتین دردینی شعرینده یازان شاعیردیر
خلقه حورمت ائله‌ین شاعیره حورمت گئتیره
شعر یازدیم که بوشالسین اوره‌ییم غملردن
یازمادیم شعری کی شاید منه شهرت گئتیره !
دئدیم حاجی غلاما قار یاغاندا
یئی هئیوا،نار،شاماما قار یاغاندا
ائشیک قارلی،دومانلی،لاپ سویوق دور
قال ائوده،گئت حاماما قار یاغاندا
گئج گلمَه،منی غوصه چاپار ای ساقی
مین بیر قودوق،ائششک و قاتار ای ساقی
گلدین منه بیر قازان چاخیر،وودکا گتیر
میندیر آتا دردیمی آپار ای ساقی
gec gəlmə məni qüssə çapar ey saqi
min bir qoduq, eşşək o qatar ey saqi
gəldin mənə bir qazan çaxır, vodka gətir
mindir ata dərdimi apar ey saqi
یاشاماق بیر یول دور
چالیشاق خوش کئچسین
یاشاماق بیر یول دور
یازدیم صفالی یارا :« شالواریم اؤلدو پارا »
دردا که راز پنهان خواهد شد آشکارا
گئتدین اگر بهشته،بیر حوریَه یاپیشدین !
نیکی به جای یاران؛فرصت شمار یارا !
یوخسول گدایه یازد یم:« چاتدین اگر مقامَه
روزی تفقدی کن؛درویش بینوا را»!
بیر گون اگر کی اولدون سَنده رئیس ِجمهور
با دوستان مروّت؛با دشمنان مدارا
آی آج؛بیزیم غذامیز کهلیک پُلو؛تویوق دور
گر تو نمی پسندی؛تغییر دِه قضا را !
«حاجی حسن» بویوردو:«بو دونیادا دول آرواد
اشهی لنا و احلی من قبله العذارا»!
چاتدی الین بوراخما؛رشوه دؤیونجا آل یِئه !
کاین کیمیای هستی؛قارون کند گدا را !
«سعدیّ» بینوانی؛هم «حافظی» سو ائتدی !
دلبر که در کف او موم است سنگ خارا !
گئت وارلی نین ائویندن؛تلویزیونی اؤغورلا !
تا برتوعرضه دارد؛احوال ملک دارا !
«تاکستانا»گئدیبدیر؛زاهد شراب آلسین
ساقی بده بشارت؛رندان پارسا را !
اوستومیزه اوشاقلار؛مسجد ده گر جیش ائتدی !
ای شیخ پاکدامن؛معذور دار ما را !!
من دئییرم لطف ائله تحریر ائله
یاز بو یالان سؤزلری تکثیر ائله
کافر اول آمما دی:مسلمان منم
دؤز آدامی،مؤمنی تکفیر ائله !
میللته سؤز وئر،دی یالان سؤزلری
هر آدامین بئینینی تسخیر ائله !
مخلص آدام تاپ آدام اؤلدورماغا
باشینا یاخ شیره اونو شیرائله !
رای آلان واختی گؤزل وعده وئر
یئککه دانیش،شوغیله تغییر ائله !
میللته بیچاره موتور یاندیریب!
سال کلیدین ملتی تعمیر ائله !
پست و مقامی اوره یین ایسته دی
فیکرائلمه هابئله تزویر ائله
یئنی ایلده چا تارا م د ولته اینشاالله!
دولتیم ختم اولاجا ق ثروته اینشاالله!
اؤزومو گؤسترَه‌رم میللته بیر یاخشی آدام!
یئنه آرتیق ائله رم طاعته اینشاالله!
«عشرتی»عقد ائدرَم،سونراسی ائودَه دایانیب
هی اس.ام.اس وئرَه رَم «عفتّه» اینشاالله
گئده رم مکّه یه یارانه پولوینا ن یئنی ایل!
قالمارام من ده بو بیر حسرته اینشاالله!
باغلا رام شور گؤزومو هر باخیشا آی باجی‌لار!
سیزه با خمام، باخارام ساعته اینشاالله!
غوصّه دن پارتلا یارام صف لرایچینده بیرگون!
آرخ ایچیند ه گئده‌رم رحمته اینشالله!
چونکو اؤلدوم چکه رم ات دیشیمه جنت د ه!
چا تارام من ده او گون لذته اینشاالله!
قاچا قاچا گئده‌رم حوریِ جنّت صفینه!
قویارام ساققالیمی نوبته اینشاالله!
من یالانچی آداما م،داما چیخیب آلقیشلار
دئیه رم دامدا بود ؤز میللته اینشاالله!
سؤیله دیم:«حاجی بویور،قاچما شراب ایچمک دن»
دئدی:«بیر گون گله رم خد مته اینشاالله »!
هی دئمه،هی سوروشما
هارانی سئل آپاردی !
ساری نی،آغی،گؤیی
قارانی سئل آپاردی !
یوخسولو تالان ائتدی
دارانی سئل آپاردی !
آرامیز لاپ قاریشدی
آرانی سئل آپاردی
ارزشی یوخدور داها
پارانی سئل آپاردی !
آپاردی خان چوبانی
سارانی سئل آپاردی
یاتمیشام آمما اویانا بیلمیرَم
دؤزیولو،دؤز رسمی قانا بیلمیرَم
ائیله میشَم یوزمیلیار اختلاس
آخ! نَه دَن دیر اوتانا بیلمیرَم ؟
دوشدو دولو باشیما هی پول یاغیر
بیر چالادا دالدالانا بیلمیرَم !
قوزامیشام سئل گئتیرَن پوللاری
آمبارین آلتیندا سانا بیلمیرَم !
عقد ائدیرم قحبه، دول آروادلاری
قیزلارین عشقیندَه یانا بیلمیرَم !
من گئدیرَم «روسیه» دَه کئف چکیم
یوخسول آدام گلدی جانا؟بیلمیرَم
ایستَه ییرم «رَم»،«کانادا»یا گئدیم
پیس دی بو کشور دایانا بیلمیرَم
مملکتین یوللاری لاپ اگری دی
داغلاری داغ دی دولانا بیلمیرَم
ایشلری ناقص دی، یالان سؤزلری
دؤندو بو میللت یالانا؟بیلمیرَم !
قورخوجو،سون سوزدو قارانلیقللارا
باز ایشیق ؟ آی جالانا؟بیلمیرَم !
قحبه فلک قدریمیزی بیلمَه دی
ائششگی ساتدی پالانا؟بیلمیرَم
هرکیم ایستیر اؤزۆنۆ سرور ایّام ائله سین
باشلارا شیره یاخیب،خلقی گرک خام ائله سین
عاشیق، میز و مقامات بیزه ثابت اولوب
گرچه کافردی گرک دعوی اسلام ائله سین
آدام اۏلماز، حَجَه تشریف آپاران ائششک آدام
کعبه دَه سجده و مین یۏل اگر احرام ائله سین
ایسته سَه عارف دۏران اۏلا هر کیم شک یوخ
دَله ایتلر کیمی نفسینی گرک رام ائله سین
منتقد کیم دی؟:بیرآلچاق بۏی آدام کی ایستر
شاعری خلقین ایچینده بد و بدنام ائله سین
دوزآدام واجب اولوب بانکاگئدیب،اوغرولارا
باش اَییب،رۆشوه وئریب،هی طلب وام ائله سین
بینوا شیشه چکیر،باده ایچیر شاعیریمیز
تاکی بیرثانیه ترک غم ایام ائله سین
