بلکه آت-ائششک اولار
بلکه گؤل_چیچک اولار
آدام اؤلُندَن سورا
کول اولار،تزک اولار
Bəlkə at-eşşək olar
Bəlkə gül-çiçək olar
Adam öləndən sora 
Kül olar,təzək olar 

بورونو دَلیک کیمین دیر
یولو گئدیک کیمین دیر 
الی بوش،آج آدامین
ایتی،پیشیک کیمین دیر

اوره ییم،آغ جییَرسن
جانیمدا ایز- اثر سن
آجیلارین ایچینده
بیر قیرماقند،شکر سن
Ürəyim, ağ ciyər sən
Canimda iz-əsər sən
Acilarin içində
Bir qirmaqend,şəkər sən

آتشی آلیشدیرار
ساواشی قیزیشدیرار
کیتاب قاریشدیرمایان
اورتانی قاریشدیرار
Atəşi alişdirar
Savaşı qizişdirar
Kitab qarişdirmayan
Ortani qaristirar

جانی،عؤمرو تالان دیر
اوره یی دولوقان دیر
گرچکدن اینانمیشام
هر انسان بیر یالان دیر
cani ömrü tatlandır
ürəyei doluqandir
gerçekdən inanmışam
hər insan bir yalandır

گوجو،قودرتی اولماز
دونیا جنّتی اولماز
یالتاق،آج گوز میلتین
سایغی،حورمتی اولماز
gücü,qüdrəti olmaz
dünya cənnəti olmaz 
yaltaq,acgöz millətin
sayğı, hörməti olmaz 

نیفرت،قارغیشیم اولماز
آلیش-وئریشیم اولماز
آتدان یئره دوشسم ده
ائششکله ایشیم اولماز

وئرمه ییب آمان سیلر
چوخ دردلی،یامان سیلر
ایسته سن،ایستمَه سن
سنی ده زامان سیلر
verməeib aman silər
çox dərdli,yaman silər
istəsən,istəməsən
sənide zaman silər

سنینله خوش دور جانیم
سن مرهمیم، درمانیم 
یوخسان،سنینله کئچیر
هر نفسیم،هر آنیم
seninle xoşdur canim
sən mərhəmim ,dermanım 
yoxsan ,seninle keçir
hər nəfəsim ,hər anim

ایرانی بیر قفس چک
یاشامی آه- هوس چک
یوخاریدان اولمادی
آشاغیدان نفس چک
irani bir qəfəs çək
yaşami ah-həvəs çək
yukarıdan olmadı
aşağıdan nəfəs çək